首頁 即時娛樂

江嘉敏曾啞忍另一半出軌 遭男友媽媽揶揄滿足唔到個仔

18/09/2021 16:00:00
江嘉敏自爆多次遇到出軌男友。
江嘉敏自爆多次遇到出軌男友。

江嘉敏(Kaman)日前為區永權及張秀文主持的《代溝關注組》擔任嘉賓,同場有長輩李家鼎(鼎爺)、Maria Cordero(肥媽)、謝雪心、蔡嘉欣、徐文浩、游嘉欣及林正峰等,在節目上談及「外遇老是常出現」,江嘉敏忍不住自爆之前兩次分手都是因為男友出軌,對於遇上另一半偷食,Kaman直言不會容忍:「好彩我係未結婚。」

Kaman坦言對方已經不止出軌過一次,當時因為年紀尚小,所以一直忍受:「嗰陣係我第一次拍拖,我本來約男友去街,但係佢臨時話同屋企人有聚會,點知我自己行旺角,見到有一個同佢好似樣嘅人,咁我咁打俾佢,嗰陣佢仲話自己同屋企人飲緊茶,我咪叫佢望吓後面。」她續說:「佢隔籬個女仔係我最好嘅朋友,嗰陣我仲呃自己,話應該係好朋友行街啫,點知去到我生日,我男友無端端帶咗我去一個商場,去咗一間餐廳搵嗰個女仔,仲要喺我面對好親暱,我真係好嬲!」結果在場嘅嘉賓都覺得好驚訝,不明白Kaman為何仍然可以接受,後來張秀文忍不住說:「佢簡直係當妳儍,啲男人真係好賤,佢根本就係挑戰你嘅底線!」

江嘉敏曾撞見TVB男藝人偷食。
江嘉敏曾撞見TVB男藝人偷食。
大家都對江嘉敏的遭遇不值。
大家都對江嘉敏的遭遇不值。


接着Kaman表示對上一個出軌的男友,則是瘋狂有外遇,偷食對象有模特兒、KOL、甚至有女藝人。Kaman說:「咁其中有一個女藝人我都識,大家有一齊食過飯嘅,直到我同男朋友分手嗰一刻,我先知原來佢哋係有過嘢囉,即係屋企張床係污糟嘅,我覺得。」Kaman表示當她開工時致電男朋友總會聽到該女藝人的聲音,直到有一日Kaman在屋企樓下見到對方的車才揭發,鼎爺忍不住說:「你真係後知後覺。」

Kaman本來一直都期望男友有一日會浪子回頭,但最嬲是事後致電前男友媽咪告知,豈料對方竟然反問她說:「係咪你滿足唔到佢呀?如果你滿足到佢,佢唔會出去搵第二個囉。」Kaman直言當時真是嬲到爆炸。她又大爆自己曾在尖沙嘴撞破一位TVB男同事偷食人妻:「佢挽住嗰個女仔係人妻嚟,上咗新聞嘅,好彩我無嗌佢咋,唔係就會好尷尬。」

其他文章
hd