首頁 即時娛樂

梁祖堯不忍「前夫」幫手派應援物資:作為男人你估唔𤓓咩

19/09/2021 07:30:00
阿祖又出動調教「前夫」!
阿祖又出動調教「前夫」!

早前梁祖堯(阿祖)應「我老婆嫁左畀MIRROR導致婚姻破裂關注組」谷主RC的邀請,出手調教「鏡粉前夫」的婚姻,於是阿祖找了兩個慘烈又搞笑個案上門調教!在一個個案中,「前夫」Matthew先以「姜太」來介紹「前妻」,接着又爆「前妻」在生日當日撇低自己,約一班姊妹入梅窩「打卡」,直言:「老公你唔使幫我慶祝喇!」不過瘋狂事件又點止得一單,Matthew續說:「有日揸車見到教主架郵輪,佢就叫我『揸慢啲呀,我要影相呀!』我話呢度係高速公路,點樣揸慢啲呀?」「前妻」笑指當時沒想過是危險事,阿祖忍不住叮囑「前妻」要理性一點。

有網民留言覺得勁瘋狂!
有網民留言覺得勁瘋狂!
「前夫」Matthew先以「姜太」來介紹「前妻」王太。
「前夫」Matthew先以「姜太」來介紹「前妻」王太。

Matthew又稱因為替「前妻」儲齊MIRROR閃卡而要被逼食包,最後搞到肥了兩磅:「我希望自己唔好再肥落去,呢個其一啦!有時我又覺得,追星嘅時候又唔帶埋我,我自己一個人喺屋企,我又冇咩嘢做。」阿祖追問他:「你真係想去?」Matthew表示:「咁我去嘅時候我見到佢嘛,咁我見到佢笑,咁咪ok囉!」但阿祖忍不住踢爆:「你呃到我,你呃到你老婆,你都呃唔到全港觀眾。」

在MIRROR出入過的位置打卡!
在MIRROR出入過的位置打卡!
傳說中的姜濤牆!
傳說中的姜濤牆!


之後,阿祖到了另一位「前夫」和「前妻」袁生袁太的家,阿祖一踏入屋直言是S級,因為全間屋都是姜濤,包括牆身、衣架等等,甚至全天候播姜濤的MV。提到MIRROR早前開了6場演唱會,但「前妻」表示只看5場並解釋:「因為我個仔出咗IG Story,feel到佢好似唔係幾開心,嗰日我老公見到我,雖然我個人坐咗喺度,但個心都唔喺度。」阿祖笑指很有外遇的感覺。

「前夫」不否認自己有呷醋:「話冇都唔信啦!如果追星追到咁,成屋都係佢(姜濤)啲嘢!我當睇唔到,成屋都係咁,可以點吖?」阿祖表示十分認同,指屋內任何方位都會看到姜濤的蹤影,「前妻」立即作出平反:「其實我間房冇㗎,得個廳有咋嘛!」阿祖又為「前夫」出頭:「你又負責接送,仲要去幫手派應援物資,呢吓你估唔𤓓咩?作為一個男人!」

其他文章
hd