首頁 即時娛樂

方力申Dry足4年自認眼角高 擇偶條件:見完要掛住

18/09/2021 18:30:00
方力申在訪問中直認眼角高。
方力申在訪問中直認眼角高。

現年41歲的方力申(小方)是圈中難得的「億萬筍盤」,年前被指以近五千萬在元朗買入一間董事屋,加上珍藏了過百件合共數千萬元的藝術品,7月更榮升做馬主,身家豐厚!不過,小方的感情生活就似乎好dry,與鄧麗欣分手後,雖然與不少女神何超蓮、馮盈盈和陳瀅等傳過緋聞,但全部都是「冇米粥」。小方日前接受鄭裕玲(Do姐)的電台節目訪問,自認眼角高,已經4年沒有拍拖。

做Do姐訪問,難免會緊張。
做Do姐訪問,難免會緊張。
Do姐認為不約女仔出街,是惡性循環。
Do姐認為不約女仔出街,是惡性循環。



小方說:「我4年冇拍過拖,連啲男仔朋友都唔信我,話你冇拍過拖,中間都有啲散拖啩,但我都冇喎。」Do姐指他眼角高,他直認不諱:「係嘅...第一,成日有人話女仔好主動會埋身,喺我身邊從來都冇發生過,真係一個都冇。如果有呢,我話畀大家知,我定力好低㗎啫,但係冇。第二樣嘢呢,如果我唔夠鍾意一個人時,又未必想同佢一齊,又唔想令到人哋唔開心,又唔想分手做衰人。」

Do姐表示這是一個惡性循環,小方認為世界上有好多男人和女人都跟自己一樣,並自爆有玩交友APP,他說:「我發現都好多質素高。(嗰度識唔到咩?)識唔到呀,我都有去Like過人,但佢冇Like番我;有女仔Like我又冇Like番,比較難啲囉。」

小方與鄧麗欣分手後,曾與陳瀅和何超蓮傳緋聞。
小方與鄧麗欣分手後,曾與陳瀅和何超蓮傳緋聞。
小方與陳瀅曾合巹交杯。
小方與陳瀅曾合巹交杯。


小方亦有透露心中的擇偶條件:「我見完會掛住佢,有咩鍾意又想同佢一齊去食咁囉。」他指自己的私生活低調和被動:「我4年冇約過女仔出街食飯,我係想拍拖,但我豁唔到出去。我一定要結婚,因為人要有伴侶,一定要搵到個自己鍾意嘅伴侶。」

方力申的緋聞女友個個都是女神級。
方力申的緋聞女友個個都是女神級。
有傳馮盈盈主動出擊,但她否認。
有傳馮盈盈主動出擊,但她否認。
小方不想拍散拖。
小方不想拍散拖。
其他文章
hd