首頁 即時娛樂

Anson Kong自覺工作量唔算好多 勸姜濤多運動多休息

19/09/2021 15:30:00
AK指工作撞期,未能參加馬拉松比賽。
AK指工作撞期,未能參加馬拉松比賽。

江𤒹生(Anson Kong)與兩位女跑手屈旨盈和羅映潮,今日一齊為馬拉松活動拍攝宣傳片,提醒參加者要注意的事項,笑言最重要是食早餐。問到可會參賽?AK表示大會有邀請,但撞了其他工作而未能出席,透露自己的跑步經驗,是中學陸運會時參加過3000米長跑,自己比較喜歡跑接力賽,因可與隊員齊齊分享成績,問到是否因跑步有型能吸引女仔?AK笑說:「從來都係因為有型,學跳舞都係,但跳舞能吸引女仔多啲,跑步反而冇,我又唔係跑得特別出色,唔似Ian(陳卓賢)係港隊。」他表示Alton(王智德)都有跑步,有意找他練跑,未來齊齊嘗試10公里馬拉松,笑言對方跑步比較叻,就算自己體力不支暈倒都有對方傍住。

透露有勸姜濤多做運動和多休息。
透露有勸姜濤多做運動和多休息。
AK與屈旨盈(右)和羅映潮(左)齊為馬拉松活動拍攝宣傳片。
AK與屈旨盈(右)和羅映潮(左)齊為馬拉松活動拍攝宣傳片。



AK提到保持體力的重點是要有足夠休息和均衡飲食,但現在已訓練到自己睡少一點,會趁工作空檔補眠,問到可有提點姜濤?他說:「都有叫佢多做運動、多休息,但我覺得工作量唔算好多,可以接受,可能咁啱佢要開戲,拍戲時間長,需要一啲時間先能夠適應,我哋又未去到要連續幾日通宵工作唔能夠瞓覺嘅狀況。」

講到MIRROR最愛偷拍隊友的睡姿,他笑指姜濤在這方面很進取,連工作人員都不放過,又說手握姜濤最勁的照片,提醒他不要亂來,否則就會公開,問到勁的程度是?他笑謂:「係少性感。」

有意找Alton一齊練跑。
有意找Alton一齊練跑。
在中學陸運會時參加過3000米長跑,但不算是精英運動員。
在中學陸運會時參加過3000米長跑,但不算是精英運動員。

其他文章
hd