首頁 即時娛樂

葉巧琳入行9年首開音樂會 跟樂隊Trekkerz合體激動落淚

19/09/2021 22:30:00
葉巧琳昨晚舉行首個音樂會,瞓身演出。
葉巧琳昨晚舉行首個音樂會,瞓身演出。

葉巧琳(Mischa)昨晚(18號)在主題公園舉行音樂會,這是她入行9年首個個人騷,甫出場先演繹首支個人單曲《孤單的貝多芬》,然後Mischa與四位男舞蹈員邊唱邊跳《一對一》、《二人份》及《怪物(心獸Version)》,一輪勁舞後Mischa即笑說:「係咪估唔到一開始就跳咁多舞?好明顯係一個自肥嘅concert啦!全男班dancers仲要個個都咁靚仔。」

她笑言找四位靚仔舞蹈員跳舞,實行「自肥」。
她笑言找四位靚仔舞蹈員跳舞,實行「自肥」。
做出一字馬。
做出一字馬。



當晚Mischa與在演藝學院結識的結他手Mike,及鍵琴手Pong組成的樂隊Trekkerz重現舞台,演繹一曲《原地出發,Mischa跟兩人合唱《給十年後的我》時忍不住落淚,並衷心地對隊友說:「好多謝你哋咁多年都陪住我。」另外,Mischa又請來去年一同參加ViuTV《全民造星III》的張進翹(Manson)擔任嘉賓,二人合唱了盧凱彤的《囂張》。尾聲時Mischa送上《神把眼淚都留給了人》給已離世的經理人Leslie,最後以《浸浴》來完結樂會。

跟樂隊Trekkerz演出時,激動落淚。
跟樂隊Trekkerz演出時,激動落淚。
請來Manson出任嘉賓。
請來Manson出任嘉賓。



Mischa因為之前要演出舞台劇《攣攣成人禮》,令到只有兩星期時間排練,在極短時間內練習大量舞步:「喺咁短時間跳到咁多,連排舞老師幫我改咗個名叫做『葉慧根』,我都可以叫自己做跳唱歌手!」

效果好靚。
效果好靚。
去年《全民造星III》Team A來捧場。
去年《全民造星III》Team A來捧場。
陳柏宇(左起)、布志綸及林奕匡齊來睇騷。
陳柏宇(左起)、布志綸及林奕匡齊來睇騷。
湯怡和麥秋成拍拖來支持好友。
湯怡和麥秋成拍拖來支持好友。
其他文章
hd