首頁 即時娛樂

鍾培生加碼100萬冇聲氣 李俊亨隨時應戰:幾時都係作戰狀態

19/09/2021 19:45:00
鍾培生曾承諾「加碼」,但現在似乎未有聲氣。
鍾培生曾承諾「加碼」,但現在似乎未有聲氣。

林作和鍾培生的百萬拳賽昨晚終於落幕,大家睇完都覺得「流流地」,林作以「Running Man」和「金蛇纏絲手」的賴皮策略,成功打足四個回合,沒有被鍾培生K.O.,連鍾培生都坦言有點失望。

李俊亨(左一)表示自己隨時都進入作戰狀態。
李俊亨(左一)表示自己隨時都進入作戰狀態。
Henry是林作其中一位教練。
Henry是林作其中一位教練。


實戰結束,但口水戰似乎仍是沒完沒了。一直睇鍾培生唔順眼,同是富二代出身、現職帝鋒金融集團董事總經理的李俊亨(Henry)今日在社交網repost賽前鍾培生向林作將賭注加碼到200萬港元,鍾培生寫着:「我重申一次我接受,如果我K.O.唔到林作我將會今年9月內同佢教練(Henry)打,如果我K.O.林作張(將)會由$1,000,000拳酬變成700,000拳酬。」Henry留言:「《集思廣益》大家不如幫幫鍾生手,諗諗有咩藉口可以唔洗(使)找數挑戰我?」林作即轉發兼和應:「依家難落台了。」

鍾培生昨晚勝出,但就未能K.O.林作,打足四個回合。
鍾培生昨晚勝出,但就未能K.O.林作,打足四個回合。
林作似贏咗多啲,後台笑到拳頭都塞得入。
林作似贏咗多啲,後台笑到拳頭都塞得入。


Henry今日接受《頭條娛樂》電話訪問,表示預了鍾培生「走數」,他說:「關於打唔打,同畀唔畀200萬,我覺得佢兩樣都唔會!雖然佢贏咗,但knock out唔到林作,如果佢再走數都好合情合理,因為佢都好慘㗎嘞。呢半年嚟佢公關、PR,形象由正面變負面,呢段時間嘅精神接近崩潰狀態,又殘又攰,又好似亂嗌有啲問題;再加埋佢嘅團隊白衫教練會衝上台打人,似乎冇乜武德,成個公關有空間進步。」他表示不希望再糾纏落去,但亦希望能互相切磋打拳心得,不過他自言現在狀態超fit,可以隨時應戰。他說:「我磅數依家同鍾培生一樣,我現在打都得,幾時都係作戰狀態。」

完賽後,鍾培生的穿白衫教練,想衝過去同黑衫的林作團隊打。
完賽後,鍾培生的穿白衫教練,想衝過去同黑衫的林作團隊打。
鍾培生曾承諾如未能K.O.林作,會跟Henry打。
鍾培生曾承諾如未能K.O.林作,會跟Henry打。
其他文章
hd