首頁 即時娛樂

頭條獨家丨ZW製作西人三部曲恥笑「偽人」 寫歌串爆歌手唔識扮有料

19/09/2021 22:54:00
ZW製作「西人三部曲」恥笑圈中「偽人」演《馬騮戲》。
ZW製作「西人三部曲」恥笑圈中「偽人」演《馬騮戲》。

四人樂隊Zolarwind2.0(ZW)製作「西人三部曲」系列,近日推出第一步曲《馬騮戲》就唱爆啲偽君子,歌詞內容相當搞笑抵死,嗒落必定會心微笑!成員藝深大膽爆出樂壇荒謬現象:「有啲歌手唔識做監製、編曲就用嚟掛帥,甚至唔識打鼓喺紅館打鼓!不過,林家謙係例外一個。」採訪:方騫平 攝影:葉君海

(左起)阿冠、Tommy、波子、藝深,四人堅持只要努力總會有人欣賞。
(左起)阿冠、Tommy、波子、藝深,四人堅持只要努力總會有人欣賞。
新歌《馬騮戲》係「西人三部曲」系列第一步曲,用廣東話唱爆啲偽君子行為。
新歌《馬騮戲》係「西人三部曲」系列第一步曲,用廣東話唱爆啲偽君子行為。

Zolarwind2.0成員藝深、阿冠、Tommy、波子解構「西人三部曲」系列,藝深說:「我哋會探討身邊人與事及社會話題,《馬騮戲》歌詞內容係鼓手波子喺工作上受欺凌嘅真人真事,其實身邊有好多人好假,做埋啲馬騮戲片面嘢,冇料扮有料,所以寫嚟笑吓、發洩吓!」




結他手Tommy生日,神秘嘉賓Paco突然現身送上驚喜。
結他手Tommy生日,神秘嘉賓Paco突然現身送上驚喜。
ZW好欣賞林家謙,因為佢真係懂得做音樂。
ZW好欣賞林家謙,因為佢真係懂得做音樂。

提醒自己唔好做小人
波子大笑說:「我嘅經歷係俾阿冠恰,所以隻歌係阿冠寫緊自己!因為阿冠唔鍾意寫啲大路嘢,呢首歌好有批判性,睇唔過眼要出聲,仲用咗廣東話嚟寫詞,想表達得更加貼切。我諗小人好似便利店咁總有一個喺左近,一部曲係唔夠,最終做咗『西人三部曲』。」Tommy說:「都好嘅,盡量警剔自己唔好做小人角色,咪做啲乞人憎嘅嘢!」阿冠卻回話:「我諗每個人都會有乞人憎嘅嘢,睇吓有冇表達出嚟啫。我覺得唱歌鬧人唔難,在乎背後有冇意義。」藝深坦言喺呢行「見識」好多:「有啲歌星唔識做製作,但擺個名做唱片監製,講到天花龍鳳連行內人都笑!社會上有太多虛偽嘅人!」Tommy說:「其實除咗音樂圈,喺職場上都有好多擦鞋仔。」

Tommy做過許冠傑個唱結他手。
Tommy做過許冠傑個唱結他手。
波子同張敬軒好老友,大家都係實力派。
波子同張敬軒好老友,大家都係實力派。
藝深唔眼紅MIRROR充斥市場,認為樂壇好耐冇人留意,𠵱家做返起非常之好。
藝深唔眼紅MIRROR充斥市場,認為樂壇好耐冇人留意,𠵱家做返起非常之好。
其他文章
hd