首頁 即時娛樂

蘇志威細女Ina爆父母愛講粗口 劉小慧解畫:我哋好優雅

20/09/2021 14:30:00
阿細的細女亮相《思家大戰》!
阿細的細女亮相《思家大戰》!

由李思捷主持及監製的TVB遊戲節目《思家大戰》昨晚播出第三集,今集邀請了蘇志威(阿細)、劉小慧、二人細囡Ina、蘇永康及蘇志威哥哥組成的「Sohea自由行」隊,以及胡渭康、韋綺姍、海俊傑、莫鎮賢及歐陽德勛組成的「新秀」隊。阿細介紹蘇永康時笑指二人關係複雜,並謂已把對方列入家族族譜:「好少兄弟可以肉帛相見,可以一齊沖涼,我哋就會,呢啲咪叫兄弟囉!」蘇永康續說:「比小慧更早就同佢一齊沖涼,我哋關係好長!同一年入行,識咗好耐,30幾年,嗰啲日子係要珍惜。」由於阿細及蘇永康本身亦是新秀出身,遭胡渭康大叫「叛徒」,胡更笑言:「總之識朋友識姓蘇要留意喇!佢哋容易畀靚女拐走!」

阿細話已經加咗老友蘇永康入族譜。
阿細話已經加咗老友蘇永康入族譜。
蘇永康同阿細成家真係零違和感。
蘇永康同阿細成家真係零違和感。

胡渭康笑指「孖蘇」係叛徒。
胡渭康笑指「孖蘇」係叛徒。
海俊傑為咗贏,硬著頭皮估好多男人會形容老婆係豬!
海俊傑為咗贏,硬著頭皮估好多男人會形容老婆係豬!


昨晚民調問題亦相當有趣,其中一條是:「問咗100個男人,你會形容你老婆係乜嘢動物?」阿細因一時口快將「老虎」答錯成「獅子」,將回答權奉獻給「新秀」隊,其中海俊傑尷尬地估答案是「豬」,全場即掌聲連連,思捷更挑機謂:「阿嫂!你係咪睇緊?」原本已驚驚豬的海俊傑即笑言:「我返去實畀老婆掹耳仔。」並補鑊謂:「對唔住呀老婆!我唔係話你!」

不過全晚最搶絕對是Ina,被指「少女版龔嘉欣」的她,不但樣子甜美、行為活潑,且不時作害羞狀,令主持思捷亦忍不住大讚Very Cute。而當Ina擔任代表競猜:「問咗100個人,有4個最多人答答案,父母叫仔女唔好做,但自己會做嘅。」時,她竟爽快地說出「講粗口」,全場即時為之嘩然,矛頭更直指阿細及小慧,思捷更使出Mean招追問:「阿爸勁啲定阿媽勁啲?」令Ina相當尷尬,小慧見狀即淡定解圍:「佢哋真係唔係好識分咩係粗口,我哋好優雅㗎!」最終Ina憑「講粗口」答中第一名答案,全場氣氛炒至沸點。雖然阿細的隊伍以極高分殺入《終極開口中》環節,但最終未能過關贏取豐富獎金獎品。

Ina答完「講粗口」呢個答案,即惹起全場嘩然!
Ina答完「講粗口」呢個答案,即惹起全場嘩然!
思捷食住個勢問「(講粗口)阿爸勁啲定阿媽勁啲?」
思捷食住個勢問「(講粗口)阿爸勁啲定阿媽勁啲?」
其他文章
hd