首頁 即時娛樂

陳山聰重提激嬲伍詠薇事件 陳敏之受命當透明

20/09/2021 18:45:00
陳山聰重提當年與伍詠薇反面的原因及破冰過程。
陳山聰重提當年與伍詠薇反面的原因及破冰過程。

陳敏之開設個人YouTube頻道,不時邀請圈中好友撐場,在新一集就請來以「兄妹」相稱的陳山聰作嘉賓,陳山聰更大方重提當年與伍詠薇反面的事及破冰過程。事緣陳山聰在35歲生日當晚,突然致電契家姐伍詠薇,並向對方說:「以後唔好再搵我!」伍詠薇即時回覆「好呀」,繼而於社交網不開名訴苦並公告與某人絕交,自此「姊弟」反目成仇,而陳山聰在片中解釋當時有醉意,同埋:「只係玩下」。

陳敏之受伍詠薇吩咐,唔可以睬山聰。
陳敏之受伍詠薇吩咐,唔可以睬山聰。
二人終於在日本破冰。
二人終於在日本破冰。



跟伍詠薇反目後,陳山聰憶述連陳敏之都當他透明,激動大爆「冷巷事件」:「呢一個Moment我永遠都記得!陳敏之喺條冷巷度迎面行過嚟,我同佢眼神交流,佢就真係嗰啲......」繼而模仿敏之刻意避開的眼神,他再續:「人情冷暖,呢個我明白嘅,調返轉,將心比己,我都可能係咁!」而敏之亦即尷尬澄清,是伍詠薇吩咐唔可以睬佢。

捉手和解。
捉手和解。
三人情同手足,感情相當好。
三人情同手足,感情相當好。



最後陳山聰同伍詠薇「割席」5年,二人終於在日本破冰。當時兩人咁啱都身處日本旅行,於是陳山聰主動聯絡伍詠薇食飯,對方竟然一口答應,二人於東京一間居酒屋見面,一見面就即刻攬住,一切盡在不言中。

其他文章
hd