首頁 即時娛樂

Dear Jane紅館個唱Howie險中「頭獎」:差啲就未開始已經結束

21/09/2021 10:45:00
Tim出場見到觀眾的反應熱烈,自己也感到震撼。
Tim出場見到觀眾的反應熱烈,自己也感到震撼。

Dear Jane昨晚在紅館舉行一連五場《Dear Jane Pendulum Tour 2021》演唱會,他們首次以4面台的在紅館演出慶祝入行15周年,主音Tim(黃天翱)的老婆楊洛婷一如過往,在台下高舉「老公」粉絲牌,還有好友曹敏莉陪伴,圈中好友還有鄭融、湯駿業、曾若華、陳煒及男友等到場支持。Tim指在場觀眾的反應令他感到震撼:「確定喺紅館開show,只係個零兩個月時間,大家都知道呢兩年少咗好多演唱會,出嚟見到大家,真係有啲嚇親,多謝大家買飛嚟睇。」

談到創作歌曲的歷程,Howie 稱,見到主音Tim與太太那麼恩愛,有幾首歌也因此被啟發創作出來,黎俊華(Nice)笑指,失戀歌不包括在內,Howie即說:「失戀歌我哋三個人分,失戀、分手是我同Nice,求婚唔成功留畀Jackal(伍漢邦)。」Howie再爆一曲《草戒指》原先是寫給Tim作求婚之用,不過這首歌還未創作完,對方已成功抱得美人歸,所以今晚決定將歌給Jackal徵婚。

Dear Jane以4面台的在紅館演出慶祝入行15周年。
Dear Jane以4面台的在紅館演出慶祝入行15周年。
Tim在台上唱《Let it Go》時並公開地冧爆愛囡Tanya,表示自己永遠錫她!
Tim在台上唱《Let it Go》時並公開地冧爆愛囡Tanya,表示自己永遠錫她!


4位成員於個人表演環節大唱別人的歌,4人跑勻4角交換唱歌、彈結他及鼓位置演出,期間有兩名男粉絲突然跨欄衝上其中一角位的舞台,其中一人拿着手機搭着Tim的背部想影合照,隨即被工作人員驅趕返回欄杆內,搞到正在彈結他的Tim顯得一臉驚愕。

之後Tim演繹兒歌界神曲《Let It Go》並公開地冧爆愛女Tanya說:「唱畀我一生人最愛嘅女人,我會錫佢!」Dear Jane於頭場邀得AGA 擔任演出嘉賓,一起合唱一曲《MAD》,之後Dear Jane離台換衫,AGA表示:「呢次做嘉賓有啲特別嘅感覺,亦係我第一次踩4面台,啱啱喺後台已經好興奮,上嚟見到大家感覺好夢幻,感受到四面台嘅歡呼聲真係好正!」

Dear Jane昨晚在紅館舉行一連五場《Dear Jane Pendulum Tour 2021》演唱會。
Dear Jane昨晚在紅館舉行一連五場《Dear Jane Pendulum Tour 2021》演唱會。
AGA擔任頭場嘉賓。
AGA擔任頭場嘉賓。


Dear Jane唱畢《未開始已經結束》,一個大型六角吊台在舞台頂徐徐降下,Howie差點險中「頭獎」,幸好Tim用手推開Howie而避過,Howie 幽默地說:「真係差啲就未開始已經結束。」在Encore環節前,螢幕播出Dear Jane十年前首個售票演唱會片段,Howie憶述當年場地可容納6百人,開售一星期後同事通知他們只售出7張門票,他們便盡力求朋友拉多些朋友來,但最終只能售出270張飛,還要出動30名同事幫手撐場,當時場地也要斬開一半,努力4年後於九展開3千人騷,再於兩年前登上紅館開騷,Jackal感觸地說:「而家五場紅館都畀你哋買爆晒,係你哋帶我哋上呢個台,其實最珍貴係,我們做完咁多首歌,就係有你哋嘅支持,希望你哋唔好再走散,唔好離棄我哋,今晚、聽晚睇完之後,一路帶多啲朋友入嚟Dear Jane Family,我們就係一家人!」

Dear Jane感激fans多年來的支持,希望大家可以陪他們一直走下去。
Dear Jane感激fans多年來的支持,希望大家可以陪他們一直走下去。
主音Tim的老婆楊洛婷一如過往,在台下高舉「老公」粉絲牌。
主音Tim的老婆楊洛婷一如過往,在台下高舉「老公」粉絲牌。
陳煒
陳煒
其他文章
hd