首頁 即時娛樂

余慕蓮與家燕姐慶中秋 生命力驚人希望玩多幾年

21/09/2021 13:00:00
有一段時間未有公開露面的魚毛,終出關與好友提早過節!
有一段時間未有公開露面的魚毛,終出關與好友提早過節!

余慕蓮(魚毛)去年底因為肺纖維化入院,其間檢出患上血液炎,一度入住深切治療部,可謂半隻腳踏入鬼門關,幸好經過半年治療,最終康復出院,在今年4月回家休養身體。在中秋節的前夕,TVB的《東張西望》專登找來家燕姐及安德尊等好友與魚毛去酒樓食午飯相聚過節,片段於昨晚播。

魚毛一見家燕姐表現相興奮,兩人緊握着對方的手,一坐低便傾過不停!魚毛的精神不錯,雖然聲音有點嘶啞,但依然中氣十足,而且她已經不用再坐輪椅出入,只需使用助行架就可以行到,她還說:「希望之後連呢個架都唔使用,只用柺枚就可以。」家燕姐亦讚她很有生命力,魚毛說:「我想玩多幾年…..我好感恩,因為啲人話我入ICU嗰度,十個入去九個都唔出得嚟,我肺纖,我而家每幾個月就要打標靶藥,幾千蚊一次。」安德尊亦有現身,他一見魚毛就上前擁抱,魚毛笑說:「一陣又上封面喇!」

魚毛一見家燕姐表現相興奮,兩人緊握着對方的手。
魚毛一見家燕姐表現相興奮,兩人緊握着對方的手。
一坐低便傾過不停!
一坐低便傾過不停!

大王見到魚毛當然要攬攬!
大王見到魚毛當然要攬攬!
見到朋友當然份外開心!
見到朋友當然份外開心!

因為魚毛住院時要插喉,喉嚨的傷口仍清晰可見,其後一度只可進食流質的食物,幸好目前魚毛已經恢復過來,可以如常進食:「之前睇住人食嘢,流口水,自己又冇得食,樣樣都唔食得,嗰陣喺醫院時食嘢又要剪碎晒,水又要落凝固劑,因為驚我飲水濁親。」家燕姐表示:「佢係根本食唔到嘢,佢係想喊呀!第一啲人又唔可以嚟探佢,因為疫情,後來知道佢慢慢食到嘢,吞到嘢都因為佢自己練,佢好肯去練,真係好積極人生,好樂觀。」余毛即說:「因為我想做番一個正常嘅人。」她更謂當時要用尿片,躺到背脊都爛,屁股又生瘡,以為要死了,幸好最後死過翻生。不過余毛邊食邊傾,食乳鴿的時候突然咳起來,嚇得同桌的人叫她慢慢食,幸好最後有驚無險,唞順條氣就沒事,現場不少茶客上前向她慰問,以及祝她中秋節快樂。

魚毛可以進食正常食物!
魚毛可以進食正常食物!
未知是否邊食邊傾,魚毛險些濁親。
未知是否邊食邊傾,魚毛險些濁親。
不少茶客見到魚毛都上前問候。
不少茶客見到魚毛都上前問候。
魚毛去年底因為肺纖維化入院的,幸好經過半年治療,最終康復出院,在今年4月回家休養身體。
魚毛去年底因為肺纖維化入院的,幸好經過半年治療,最終康復出院,在今年4月回家休養身體。
其他文章
hd