首頁 即時娛樂

頭條獨家丨享受單身唔拍拖 江欣燕約女友撐枱腳係咁傾

22/09/2021 20:00:00
好享受單身生活的欣欣,早前約友食飯傾唔停。
好享受單身生活的欣欣,早前約友食飯傾唔停。

現年54歲的江欣燕(欣欣)於劇集《智能愛人》生擒陸永一幕,掀起熱話。劇中飾演富婆的她因太思念亡夫,而欲對「代替品」陸永霸王硬上弓, 而現實中,2013年跟前夫吳積遜結束12年婚姻的欣欣,就很享受自由自在的單身生活,更揚言不會再婚。早前為劇集宣傳完,她便約神秘女友人去又一城食晚飯,傾足一個鐘先捨得離開,之後Call咗車的欣欣好心急地在商場行出行入,不停望吓架車到咗未。採訪:譚壹致

欣欣早前約神秘女友人去又一城食晚飯。
欣欣早前約神秘女友人去又一城食晚飯。
欣欣邊講嘢,個口罩邊在上唇揩揩吓,唔多衛生。
欣欣邊講嘢,個口罩邊在上唇揩揩吓,唔多衛生。


剛播畢劇集《智能愛人》,接力的《把關者們》又有江欣燕份,日前近晚上7點,《頭條日報》記者就撞到剛出席完宣傳活動的欣欣,相約一名包到冚的女友人到又一城的皇后飯店食Dinner,本來獲店員安排坐窗口位的二人,特意要求坐較隱蔽的位置。未知是否有老花,欣欣甫坐低即除眼鏡睇餐牌,跟住又問吓友人意見想食乜,成餐飯兩個女人傾唔停。逗留大約1小時,終於捨得埋單走人,其間欣欣瞇住眼篤手機,之後將個口罩笠到人中位置,繼續同友人吹水,講講吓仲跌到落上唇邊,「揩揩」吓似乎唔多衛生喎!

飯後欣欣送完友人落樓便自己一個離開。
飯後欣欣送完友人落樓便自己一個離開。
Call了車的欣欣心急地步出車輛上落客區左望右望。
Call了車的欣欣心急地步出車輛上落客區左望右望。


睇家品燃燒時間
離開餐廳後,欣欣陪友人坐扶手電梯,Say完Goodbye後就自己一個到Zara Home閒逛。Call咗車的她好心急,入咗家品店唔夠5分鐘,就走出旁邊的車輛上落客區左望右望,又拎部手機出來Send message,估計都係催緊個司機。見架車仲未到,欣欣再走返入舖頭睇家品,其間她定鏡望了兩秒咕○臣、兩秒床單,最後在店內環繞一周乜都冇買,Hea足15分鐘便上車離開。

等車期間,欣欣走進家品店Hea了15分鐘。
等車期間,欣欣走進家品店Hea了15分鐘。
欣欣於劇集《智能愛人》中吸啜陸永條頸。
欣欣於劇集《智能愛人》中吸啜陸永條頸。
回復單身的欣欣一得閒就陪家人。
回復單身的欣欣一得閒就陪家人。
其他文章
hd