首頁 即時娛樂

頭條獨家丨林作多謝「恩人」鍾培生畀錢佢使 收到94萬拳酬期票中秋夜慶功

23/09/2021 00:15:00
林作喺中秋節晚上急不及待同團隊慶功,仲風騷多謝「恩人」鍾培生畀錢佢使。
林作喺中秋節晚上急不及待同團隊慶功,仲風騷多謝「恩人」鍾培生畀錢佢使。

林作及鍾培生的「百萬大戰」上周六結束,鍾培生未能兌現首兩回合KO拳擊新手林作,最後打足四回合以點數贏對方。周二中秋節當晚,林作設慶功宴多謝向柏榮教練團隊,還識做地送上一張嘅8萬8千8百期票畀師傅,並為拳賽作結說:「我梗係贏晒!客觀嚟講佢係畀錢我使嘅恩人,仲搞千萬拳賽嚟捧紅我!」採訪:方騫平 攝影:葉君海

94萬期票 林作已收到鍾培生拳酬期票,扣除林作買飛錢只得94萬多,預計今朝過戶,明天入到數。
94萬期票 林作已收到鍾培生拳酬期票,扣除林作買飛錢只得94萬多,預計今朝過戶,明天入到數。
感謝教練

林作寫咗張8萬8千8百期票慰勞向教練,但補充句:「如果鍾生聽日唔找數,就變咗骨牌效應喇!」
感謝教練 林作寫咗張8萬8千8百期票慰勞向教練,但補充句:「如果鍾生聽日唔找數,就變咗骨牌效應喇!」

當晚出席慶功宴還有林作師兄李俊亨(Henry)及為他打氣嘅女友裕美。林作乖巧地遞上豬肺湯慰勞向師傅,又送上支票,○氹到師傅笑到見牙唔見眼,隨即加句:「多謝鍾生!」

最快周五先收到94萬

雖然拳賽後嘅林作尚未回氣,面上仍見傷痕,但講到得到百萬拳酬仍難掩興奮:「𠵱家等緊鍾生找數,我喺本周一(20日)經已上咗去鍾生辦公室拎支票,扣除買拳賽飛錢,鍾生個秘書好友善咁畀咗張$943,440期票畀我,我秘書今朝一早會去銀行入數,最快周五先收到錢。」在旁向師傅問:「唔係拳酬同飛錢分開計,唔應該咁扣數㗎咩?」Henry也忍唔住說:「條友度(縮)怕林作走飛數!」林作笑笑口說:「咁應該攞住100萬『靚仔』啲,不過,佢曾講過話以優惠價賣飛畀我,𠵱家竟然收返正價,算啦!冇所謂我接受,冇投訴!」團隊即取笑林作未收到錢,繼續收聲。

慰勞團隊 林作未收到拳酬,中秋節晚已急不及待宴請團隊「食好西」。
慰勞團隊 林作未收到拳酬,中秋節晚已急不及待宴請團隊「食好西」。
孺子可教

林作送上白汁豬肺湯孝敬向柏榮師傅,獲師傅讚乖仔,孺子可教!
孺子可教 林作送上白汁豬肺湯孝敬向柏榮師傅,獲師傅讚乖仔,孺子可教!

網民大比數撐佢贏晒

林作引用第一次世界大戰後邱吉爾嘅金句解釋:「戰後要對敵人慷慨,更何況我經已攞盡光環,網上99.9%都係撐我,我好滿意畀返0.1%credit佢!客觀嚟講佢畀錢我使係我恩人,多謝佢畀呢個機會我,尤其由負面形象轉做正面,仲用千萬製作拳賽嚟捧紅我!所以今次得着好多,全面贏晒,佢真係一個大慈善家,係我再生父母,師傅預判得好,如果佢跌落我哋心理及戰術圈套就會一面倒,我諗佢都估唔到會咁插水。」

鍾培生戰術錯打得渣

向師傅做咗份賽後統計數據資料,指林作四個回合共打出121拳,清晰擊中鍾培生40拳,破壞性有7拳;至於鍾培生四個回合共打出184拳,清晰擊中林作40拳,破壞性有7拳,林作只係輸主動性,所以指鍾培生打得好渣,戰術又錯晒,唔應該唔限對手體重,而且體力差又沉唔住氣:「佢第一回合狗衝耗盡體力,所以我叫林作食肥啲,去到第四Round鍾培生因為太攰,被林作呢嚿肥豬肉壓住都冇晒反抗能力。」對於網民指林作係「Running Man」唔收貨,向師傅強調:「世界級都係咁走咁避㗎啦,只係佢『陀地級』唔夠靚仔,其實得半年時間做到心法經已好好。」Henry就不滿鍾培生下巴輕輕,兩次向他挑機都走數逃避交手,唔係武者所為!

大晒恩愛 林作喺慶功宴上風騷地同裕美公開親熱,大晒恩愛。
大晒恩愛 林作喺慶功宴上風騷地同裕美公開親熱,大晒恩愛。
食客無視

「林鍾大戰」直播最高峯時有2.8萬人同時收看,但當晚林作行入食店,冇乜食客留意佢。
食客無視 「林鍾大戰」直播最高峯時有2.8萬人同時收看,但當晚林作行入食店,冇乜食客留意佢。
雖敗猶榮 林作、鍾培生嘅「百萬大戰」,林作頂足四回合只係輸點數,雖敗猶榮。
雖敗猶榮 林作、鍾培生嘅「百萬大戰」,林作頂足四回合只係輸點數,雖敗猶榮。
受皮外傷

林作話當晚只係受皮外傷唔覺痛,裕美幫佢搽啲Cream搞掂。
受皮外傷 林作話當晚只係受皮外傷唔覺痛,裕美幫佢搽啲Cream搞掂。
贏波輸盤 向教練讚林作做到教佢嘅心法同戰術,算係贏波輸盤。
贏波輸盤 向教練讚林作做到教佢嘅心法同戰術,算係贏波輸盤。
用錯策略

向教練指鍾培生團隊用錯策略,根本一開始就要消耗林作體力,然後好似「麻鷹捉雞仔」咁包住唔畀佢游走再係咁扑傻瓜。
用錯策略 向教練指鍾培生團隊用錯策略,根本一開始就要消耗林作體力,然後好似「麻鷹捉雞仔」咁包住唔畀佢游走再係咁扑傻瓜。
「加碼」走數 Henry指鍾培生賽前曾出post,已接受林作「加碼」提議,如果KO唔到就跟佢師兄Henry打過,但至今仍未找數。
「加碼」走數 Henry指鍾培生賽前曾出post,已接受林作「加碼」提議,如果KO唔到就跟佢師兄Henry打過,但至今仍未找數。
變得低調

賽後贏家鍾培生變得低調,只係出post多謝製作團隊舉辦咗個完全冇政治色彩嘅娛樂活動。
變得低調 賽後贏家鍾培生變得低調,只係出post多謝製作團隊舉辦咗個完全冇政治色彩嘅娛樂活動。
另眼相看 經過「林鍾一戰」,林作支持者明顯上升,唔少網民對他另眼相看。
另眼相看 經過「林鍾一戰」,林作支持者明顯上升,唔少網民對他另眼相看。
下巴輕輕

今年5月鍾培生睇林作處男擂台戰時,曾在IG Story開live向林作及其師兄李俊亨(香港散打冠軍)挑機,話一日內可同時間KO兩人但最後走數。
下巴輕輕 今年5月鍾培生睇林作處男擂台戰時,曾在IG Story開live向林作及其師兄李俊亨(香港散打冠軍)挑機,話一日內可同時間KO兩人但最後走數。
其他文章
hd