首頁 即時娛樂

頭條獨家丨孔德賢願拍BL戲可瘋狂肉搏 「巨鵰」小鮮肉獲封基界男神

24/09/2021 23:15:00
Danny認為演員路是無止境的學習,他希望繼續在戲劇方面發展。
Danny認為演員路是無止境的學習,他希望繼續在戲劇方面發展。

出身自J2節目《#後生仔傾吓偈》的24歲小鮮肉孔德賢(Danny),早前在《明星運動會》疑不慎露「巨鵰」而掀起熱話。節目中掃走6金2銅的他,因為酷似羅子溢(即羅仲謙),加上不時於社交網晒爆肌照,IG吸引好多男粉絲,更頻頻被男網民留言調戲!獲封「新一代基界男神」的他直言,有興趣參演近年大熱的BL(Boy's Love)劇,講到明冇底線與對手肉搏!撰文:黎寶倫攝影:張詠森

因「露鳥」事件而獲封「鵰神」的Danny坦言新朵令他好尷尬。
因「露鳥」事件而獲封「鵰神」的Danny坦言新朵令他好尷尬。
行開山的Danny指鹽田梓適合新手步行及打卡。
行開山的Danny指鹽田梓適合新手步行及打卡。


入秋後最適合行山,「山系男孩」孔德賢率先帶《頭條日報》讀者入鹽田梓,穿過紅樹林沼澤、玉帶橋再登上雙子亭,飽覽360度小島風光!見沿途佈滿藝術品,Danny認為很適合一家大細來郊遊,平時自己則喜歡即興約兄弟行山,「香港女仔好少行山,有啲係去打卡,玉帶橋就啱秋冬天嚟拍拖,因為小橋旁邊有海風吹,談心一流。(擇偶要Sporty?)都係講Feel,我鍾意善解人意、成熟啲嘅女仔,咁先體諒我做嘢陪唔到佢。」

捨丁子朗要Ali
中學時期,身為田徑好手的他曾5奪年度最佳運動員,加上考試全班頭3名,自然是校內風頭躉,但Danny自言唔多女仔追,「到而家都冇女仔Approach我。(有男仔追?)有男仔撩我傾偈囉。(男性緣好?)一半半,我都冇乜所謂,識個朋友啫。」對深受男士歡迎,他笑言能包攬男女Fans好幸福,問有否興趣演BL劇?Danny說:「絕對可以!我鍾意做挑戰性角色,同埋呢個係幾有趣嘅Topic,都想演好佢令香港觀眾知道LGBT好緊要。(想同邊個拍?)丁子朗,因為大家差不多年紀,佢好Charm、笑容好Sweet。(介意演親密戲?)為拍戲我可以冇底線。」不過當與女神李佳芯(Ali)二選一,Danny秒速拋棄丁子朗,仲狂讚Ali又Pure又有氣質。

Danny登上鹽田梓最高點「雙子亭」欣賞大自然風景。
Danny登上鹽田梓最高點「雙子亭」欣賞大自然風景。
沿路見到不少藝術品,Danny都即刻停低打卡。
沿路見到不少藝術品,Danny都即刻停低打卡。


恨演戲做打仔
《#後生仔傾吓偈》本月底結束,率先由綜藝節目主持轉型拍劇的Danny,除熱播中的《把關者們》,亦有份演出《青春不要臉》和《星空下的仁醫》等,「拍劇同綜藝我都鍾意,兩樣嘢完全唔同,做綜藝節目要Keep住全日講嘢、好Hyper,其實好攰,反而拍戲唔需要同人交代太多自己嘢,只要投入做好角色,係畀我休息嘅地方。」喜歡不斷學習求進步的他,又盼繼續於戲劇方面發展,最恨演《飛虎》此類英勇角色,「想拍打鬥、飛嚟飛去、撞車飛車戲,細個都學過泰拳一段時間,我都打得㗎,哈哈!」

Danny深得男網民歡心。
Danny深得男網民歡心。
Danny還經常被男網民留言調戲
Danny還經常被男網民留言調戲
常於IG晒行山騷肌照的Danny獲男粉絲狂讚正!
常於IG晒行山騷肌照的Danny獲男粉絲狂讚正!
Danny與丁子朗(右)主演的劇集《把關者們》熱播中。
Danny與丁子朗(右)主演的劇集《把關者們》熱播中。
《#後生仔傾吓偈》出身的Danny稱主持及演戲都鍾意。
《#後生仔傾吓偈》出身的Danny稱主持及演戲都鍾意。
Danny於《明星運動會》掃走6金2銅。
Danny於《明星運動會》掃走6金2銅。
其他文章
hd