首頁 即時娛樂

陳凱詠為MV豁出去 與陳健朗拍咀戲尷尬到想喊

24/09/2021 07:30:00
Jace坦言尷尬到想喊!
Jace坦言尷尬到想喊!

出道2年的陳凱詠(Jace)昨日推出新歌《沒有無緣無故的恨》,今次MV除了女主角Jace外,還邀請了陳健朗飾演他男朋友,另一好友談善言亦有份參與演出。故事講述Jace和陳健朗這對情侶由愛變成恨的過程,Jace始終忍受不了男友的不忠,而且對她的暴力對待,最後聯同好朋友談善言報復,Jace坦言:「睇完劇本之後,到拍攝之前的確有壓力,老實講今次幾艱辛,因為好耐冇做戲,面對一個富劇情嘅MV故事,大家都很認真對待。20小時嘅拍攝,中間有很多又喊又笑嘅內心戲,凌晨時分仲要去荒山野嶺,但係對我嚟講係非常有突破,我好享受這次過程。」

Jace和陳健朗飾演情侶。
Jace和陳健朗飾演情侶。
兩人由愛變成恨。
兩人由愛變成恨。

談善言為Jace出頭!
談善言為Jace出頭!


身兼MV導演和男主角的陳健朗,非常賣力親自上陣,更與Jace不乏對手戲,當中包括親熱戲和吵架戲,歷盡情侶間的甜酸苦辣。對於拍攝親密戲的感受,Jace稱:「非常尷尬,尷尬到我同導演講我想喊,全場人都feel到呢種尷尬氛圍。」MV故事中有些二人曾經的甜蜜回憶畫面,又有現實吵架片段,因此Jace和陳健朗要在短時間內考驗演技,Jace亦大讚談善言:「佢係一個好好嘅演員,好能夠幫我入戲,喺故事情節中佢係為我出頭嘅女生,好多謝佢嘅專業。」

其他文章
hd