首頁 即時娛樂

頭條獨家丨梁諾妍甜呻洪永城好囉嗦 佗B坐余曉彤船出海險遇意外

26/09/2021 22:30:00
Inez懷孕初期跟Hidy為香港開電視節目《碧波遊浪記》任主持。
Inez懷孕初期跟Hidy為香港開電視節目《碧波遊浪記》任主持。

33歲梁諾妍(Inez)今年7月下嫁洪永城(Tony),同時宣佈「造人」成功,預產期為12月。向來熱愛運動的她早前大住肚慢跑8公里,被網民狂鬧佢魯莽,Inez強調問過醫生冇問題,仲有助胎兒健康發展!其實懷孕初期,Inez曾跟余曉彤(Hidy)為香港開電視節目《碧波遊浪記》任主持,二人出航尋本地海洋秘境期間曾遇驚險場面,自問大膽的Inez都嚇親!撰文:黎寶倫攝影:沈健程服裝:ZARA(梁諾妍)化妝及髮型:Inez Leong (梁諾妍)、NC MAKE UP(余曉彤)場地:THE WAVE

Hidy向Inez傳授佗B經,籲多吃黑芝麻粉及飲紅豆水。
Hidy向Inez傳授佗B經,籲多吃黑芝麻粉及飲紅豆水。
見Hidy揸船好緊張,成功訓練到Inez冷靜安撫對方。
見Hidy揸船好緊張,成功訓練到Inez冷靜安撫對方。


花了五年時間終考獲船牌的余曉彤,即以「船長」身份接拍《碧波遊浪記》,未料首日「自駕遊」便差點撞船,不諳水性的「水手」梁諾妍笑說:「我都見過世面,唔係好怕死,但原來喺Hidy手上有(接近)死嘅感受!」本來半小時抵達的目的地,因Hidy不斷扭軚「S」字行,最終花了數小時才到,Hidy解釋考船牌只需筆試合格,無須實戰,「我以為好易,點知揸上手一扭成架船會擺,同埋會Delay,加上風同海流,啲湧浪會推你埋一邊,好複雜。」

Tony提小心跣親
當時佗B未夠3個月的Inez捉住隻船係咁嗌,幸未有催谷害喜,亦沒有同老公報告,「佢知我出海拍,叫我玩得開心啲。」提到懷孕仍跑步又冒險,Tony也曾留言叫小心啲,她即放閃笑說:「每次產檢老公都會係咁問清楚,醫生都話跑步冇問題。佢都好照顧我,開始有少少囉嗦,每次落斜路都提我『你自己一個行嘅時候一定要捉住個欄杆,我上次就差啲跣親』,佢知我好論盡周圍撞。」

兩位運動型辣媽Inez和Hidy於節目鬥晒Fit爆身材!
兩位運動型辣媽Inez和Hidy於節目鬥晒Fit爆身材!
懷孕6個多月的Inez稱獲醫生批准行山、慢跑。
懷孕6個多月的Inez稱獲醫生批准行山、慢跑。


早年佗B爬山又潛水的Hidy,認為大肚婆做運動冇問題,最緊要做足安全措施量力而為,更鼓勵讓小朋友一早接觸大自然,「囡囡一個月已經帶佢上獅子山,我孭住佢當重力訓練,慢慢令佢熱愛大自然,跟住就一齊跑山、游水,佢可以喺沙灘衝一日浪,好似多咗個Buddy。」在旁的Inez聽到也不停嗌正。

奉子成婚的Inez稱生仔或女都開心,最緊要BB健康
奉子成婚的Inez稱生仔或女都開心,最緊要BB健康
Hidy認為孕婦可做適量運動,對身心也健康。
Hidy認為孕婦可做適量運動,對身心也健康。
Hidy的6歲大女兒Willa自小便跟媽咪上山下海。
Hidy的6歲大女兒Willa自小便跟媽咪上山下海。
Inez
Inez
Hidy
Hidy
其他文章
hd