首頁 即時娛樂

頭條獨家丨小肥曾經好廢而家學會知足 以前唔識扮識又介意人哋點睇

28/09/2021 23:30:00
小肥不強求再創代表作,但坦言常在頒獎禮食白果也感灰心。
小肥不強求再創代表作,但坦言常在頒獎禮食白果也感灰心。

小肥近日推岀新歌《廢柴》來紀念岀櫃一事,「岀櫃只係我人生其中一件事,心魔先係重點……」過去一直戴面具做人的他,自嘲猶如患「被害妄想症」,很在意別人的眼光,令自己愈縮愈細影響到工作機會。小肥在歌唱事業中曾遇瓶頸,雖然不強求再創代表作,但常在頒獎禮食白果也感心灰。撰文:黎寶倫攝影:沈健程化妝:Yen Lai髮型:Bowie Lo@Admix Hair Styling造型:Patrick Ho 場地:manta.house

小肥稱盡力做好新歌《廢柴》就不再諗攞獎。
小肥稱盡力做好新歌《廢柴》就不再諗攞獎。
小肥早前推岀新歌《廢柴》來紀念自己岀櫃。
小肥早前推岀新歌《廢柴》來紀念自己岀櫃。


以往的小肥唔識埋堆,最怕出席老闆級宴會,「以前跟Paco見好多世面,舊公司成日大排筵席,但我好驚見到老闆級嘅人,因為唔知點溝通,唔打招呼又冇禮貌,打招呼又驚人哋覺得我搏乜,嗰時我好收埋自己,唔知點同人傾落去。」因擔心惹誤會,他連識於微時的DJ朋友也疏遠,直至2017年製作歌曲《內外》時,監製康家俊一言點醒要誠實,去年終在陳志雲網上節目公開同性戀身份,令小肥逐漸開放自己,「有問題會盡快解決,唔會咁左避右避,人際關係都好咗。」

小肥去年於陳志雲網上節目公開出櫃。
小肥去年於陳志雲網上節目公開出櫃。
身為天主教徒的小肥澄清上《七救星》只為玩滑翔傘。
身為天主教徒的小肥澄清上《七救星》只為玩滑翔傘。


頒獎禮鑊鑊齋坐
問可曾自覺廢柴?小肥坦言過去不肯面對自己的缺點,經常唔識扮識,「你愈去遮就愈顯得廢,如自己懶聽歌,同人圍埋一齊講音樂,冇聽過都扮識,而家會好虛心學習。」提到上ViuTV節目《七救星》搵師傅打救,憑岀道作《寵物》和《時光機》令人熟識的小肥,曾在事業上遇瓶頸而感到好「廢」,他直言每年帶着期望去樂壇頒獎禮,惜最後也失望而回,「究竟做啲咩先令大眾接受或嘉許呢?呢樣有時係有啲灰嘅。作為藝人時機運氣都好緊要,我覺得做歌手要知足,但都要不斷追求,好似我而家學唱歌咁,要畀心機再踩多啲油。(再創代表作?)會希望,但唔會強求,作品一定要由心出發。」

無須自掏腰包做歌的小肥自言比好友J.Arie幸福。
無須自掏腰包做歌的小肥自言比好友J.Arie幸福。
公開性取向後,小肥更名正言順為LGBT發聲。
公開性取向後,小肥更名正言順為LGBT發聲。
其他文章
hd