首頁 即時娛樂

頭條獨家丨鄭啟泰以Uncle Ray胡楓為目標 囡囡改《Oppa看風景》書名

26/09/2021 23:15:00
54歲仲keep得好好的啟泰,難怪成為不少健康食品代言人。
54歲仲keep得好好的啟泰,難怪成為不少健康食品代言人。

由電台DJ、做主持到50歲之齡才正式拍劇的鄭啟泰,早前首次推出新書《Oppa看風景》,以他視角抒發入行30年的所見所聞,書名更由19歲囡囡Kayla所改。現年54歲的他開心跟囡囡冇代溝,陪他追星好老友,他直言愛挑戰新事物是保持長青方法,更講明永不言休,以Uncle Ray和胡楓為目標。撰文:杜淑霞 攝影:沈健程

講到30年在圈中所見所聞,啟泰愈講愈興奮。
講到30年在圈中所見所聞,啟泰愈講愈興奮。
啟泰形容新書《Oppa看風景》既是他日記,也是大家集體回憶。
啟泰形容新書《Oppa看風景》既是他日記,也是大家集體回憶。




鄭啟泰開始執筆,因當年亞視停播,電台只是返partime,閒時到餐廳寫作上網,幾年間儲落大批文章,「原來我寫咗八百幾九萬字,淨係擺咗喺網,有個出書嘅朋友話可以出書,出版商亦覺得內容幾得意。」由於他做過電台、電影同電視,所見所聞當然有不少大家熟識的名字,「譬如我同古生(古天樂)吳鎮宇拍戲,幾個影帝坐喺度,我講完晒對白就望住幾個影帝做戲,我會寫呢啲,由我視角見到鏡頭以外嘅嘢,所以幾好玩。」



陪囡囡追星

今次書名由啟泰19歲囡囡Kayla所改,「我就寫咗幾個名問我個女,佢話《太平山上看風景》咁老土,好似獅子山精神嗰啲,唔係呢個年代嘅嘢,我喺電台有個節目叫《Oppa囡囡Night Night Friend》,佢話你不如叫《Oppa看風景》。」從這事已看出他跟在中大修讀城巿規劃的囡囡冇代溝,原來他更陪囡囡追星,「我以為佢鍾意韓星或者男團,原來佢好鍾意《聲夢》嗰三個女仔,有次我做評判帶佢去參觀,佢開心到傻咗,後尾佢哋演唱會我都帶佢去睇。」

早前啟泰帶19歲囡囡Kayla參觀《聲夢傳奇》錄影。
早前啟泰帶19歲囡囡Kayla參觀《聲夢傳奇》錄影。
啟泰目標就是好似胡楓一樣,永不言休。
啟泰目標就是好似胡楓一樣,永不言休。




講到4年多前才挑戰拍劇,啟泰坦言最初都心大心細,「諗住簽6個騷嗰啲普通約,點知樂小姐(樂易玲)話你簽5年簽埋經理人,簽嗰時都差唔多50歲,5年之後55歲會唔會大咗啲呢!?但係有個前輩同我講『你喺個海度,點解唔去個河度,可能帶到你去應該去嘅地方』諗住都係嚟做主持,點知第一日就安排咗我拍劇,拍咗4年幾我幾鍾意喎!拍劇對我嚟講好新鮮,我而家係做得好開心,有嘢學又好玩。做電台做主持做得耐,但係演戲對我嚟講係一個新嘗試,我每次都抱住學習心情,50幾歲仲有想學嘢嘅心態,我為自己呢種想法感恩。」啟泰謂電台及電視工作都不會放棄,目標要好似長青的Uncle Ray和胡楓一樣,「做到Uncle Ray咁點解唔做,做到修哥咁80歲,開心咪得囉!」

啟泰好享受拍劇演繹不同角色,《雙生陌生人》跟楊卓娜齊扮律師。
啟泰好享受拍劇演繹不同角色,《雙生陌生人》跟楊卓娜齊扮律師。
啟泰跟圈外女友Francesca拍拖11年,有意疫情後拉埋天窗。
啟泰跟圈外女友Francesca拍拖11年,有意疫情後拉埋天窗。
其他文章
hd