首頁 即時娛樂

林子博帶子女移居英國波折重重 開網上頻道分享生活難題

27/09/2021 12:30:00
子博喺youtube開咗個《子博在英國》頻道講留英生活,大家記得like、訂閱及分享 。
子博喺youtube開咗個《子博在英國》頻道講留英生活,大家記得like、訂閱及分享 。

50歲嘅前無線娛樂新聞台主播林子博太太董燕君(Shirley)於上年不敵癌症逝世,今年8月林子博帶埋一對仔女移民英國,離開傷心地重過新生活,遵從亡妻嘅遺願好好栽培一對子女成材。身在英國曼徹斯特(曼城)嘅林子博喺youtube開咗個《子博在英國》頻道講留英生活,首集昨晚首播,播出15小時有二千四百觀眾收看,唔少網民送上祝福及留言叫他加油。

 

子女未返到學

精神飽滿的子博對住鏡頭正式交待喺英國嘅生活,他說:「大大話話嚟咗英國一個月時間,唔少朋友透過唔同平台問我習慣咗英國嘅生活未?係咪經已Settle落嚟?小朋友係咪返咗學呢?實不相瞞,小朋友仲未返到學,𠵱家我哋仲住喺酒店。」他唉一聲續說:「原來唔係咁簡單,因為住唔起大城市倫敦,就揀咗第二大城市曼城,當日諗住先搵間酒店落咗腳,再搵租盤,但呢度嘅業主係要睇租客有冇工作,唔係話肯交一年租金就隨便租屋出去,所以就棘住咗好多相關嘅嘢,好似仔女搵學校要有正式嘅租約證明,而酒店唔算係住址證明,除非租Airbnb旅居,所以小朋友未有得報學校,𠵱家仲喺度搵緊屋嚟租。不過,日內會轉住Airbnb,始終住酒店冇爐頭煮食,除此之外冇得洗衫,要經常出去食嘢同洗衫真係好煩。嚟度我第一時間租車,但呢度啲人慢活,租車都等成個月。」

林子博帶子女去咗英國一個月原來仲未Settle down,講起都好煩。
林子博帶子女去咗英國一個月原來仲未Settle down,講起都好煩。
子博喺youtube開咗個《子博在英國》頻道,上載咗15小時有二千四百個觀眾收看。
子博喺youtube開咗個《子博在英國》頻道,上載咗15小時有二千四百個觀眾收看。

邊學邊做整餅

第一次去英國的子博,認為去到一個人生路不熟的地方,生活照應好重要,幸而英國由南到北都有朋友,他有朋友喺曼城市中心開咗間甜品外賣店,因而由朋友做盲公竹。之前朋友店鋪唔夠人手,他落鋪幫手整月餅及菠蘿包,但強調唔係轉行:「我發覺都幾好玩,但飲食業時間好長都辛苦,自己要拜師學藝,邊學邊做,至少要有認識,先夠膽效發朋友開店。」他又表示,喺英國最唔慣飲食方面,因為香港太多好西:「呢度keep住食漢堡包、沙津、薄餅、有時食到中餐炒飯、炒麵,連意粉都少食,真係好掛住香港茶餐、豆腐花、粥、油炸鬼、泰菜…連五香肉丁喺呢度嘅中國超市都買唔到,至於其他生活細節ok。」

 

唔夠分去加國

他坦言其實首選去加拿大居留,除咗有好多朋友喺加拿大,仲有相熟朋友搭咗路,可以喺當哋電台反電視台開咪及做節目,做返自己喜歡嘅工作,無奈唔夠分申請技術移民,英文程度又低唔可以讀書移民:「幸好英國教育喺世界排頭幾位,同小朋友嚟呢度未嘗唔係好事,而且我今次冇包袱離開,我喺香港冇正職兼冇物業,我只係帶住4個大行李喼及5-6袋嘢,另有枝結他。至於船運就有28箱物品,當中有衫褲鞋襪仲有相簿、數碼鋼琴、木箱鼓、卡拉ok機、遊戲機、電腦…最好家檔唔好咁快到,因為未有地方住,否則又要畀倉租。」

唔少網民為三父子女打氣,送上祝福及留言叫他加油。
唔少網民為三父子女打氣,送上祝福及留言叫他加油。
今年8月子博舉家低調移民英國。
今年8月子博舉家低調移民英國。

子博喺當地邊學邊做整餅,月餅及菠蘿包都做得有板有眼。
子博喺當地邊學邊做整餅,月餅及菠蘿包都做得有板有眼。
16歲長女詠渝喺英國街頭跳舞自娛。
16歲長女詠渝喺英國街頭跳舞自娛。
太太離開後,子博決定帶埋一對仔女移民英國,離開傷心地重過新生活。
太太離開後,子博決定帶埋一對仔女移民英國,離開傷心地重過新生活。
子博跟16歲長女詠渝及12歲細仔卓楠都唔捨得離開香港。
子博跟16歲長女詠渝及12歲細仔卓楠都唔捨得離開香港。
今年8月林子博遵從亡妻嘅遺願好好栽培一對子女成材。
今年8月林子博遵從亡妻嘅遺願好好栽培一對子女成材。
子博帶埋木結他隨身出發。
子博帶埋木結他隨身出發。
其實子博最愛做返演藝工作。
其實子博最愛做返演藝工作。
其他文章
hd