首頁 即時娛樂

獨家丨黃宗澤獲撐早應獲視帝:將軍澳太遠,去攞獎好嘥油

27/09/2021 10:45:00
黃宗澤昨日為新劇拍外景。
黃宗澤昨日為新劇拍外景。

黃宗澤(Bosco)、王浩信、張達倫等昨日為邵氏新劇《廉政狙擊》拍攝外景,天氣炎熱下拍攝,Bosco穿西裝演出,他指一個月前拍攝時初嘗中暑滋味,熱到出冷汗又手震,幸好當日拍動作戲有救護人員在場,因此即去吸氧氣:「拍呢部戲我唔多動作戲,最辛苦係背法律條例,人名又係真,所以唔可以記錯,連續拍咗兩日ICAC戲份,講到我口都臭呀!最慘一人一段對白,全部人唔可以錯,背到我就嚟可以做律師。」劇中與好友胡定欣、黃智雯及王浩信等齊齊合作,Bosco笑言連「萬歲」請客都要度期,笑謂食到個個增磅不少。

鏡頭後眾人有說有笑。
鏡頭後眾人有說有笑。
要自備風扇。
要自備風扇。



Bosco當年獲得最高收視的主演劇集《護花危情》將重播,不少網民表示期待,亦為他當年未能奪得視帝替他不值,Bosco謂:「我覺得收視好,觀眾睇得開心鍾意部戲就夠啦!視唔視帝真係無諗。」不過若能奪得視帝獎會否更開心,錦上添花?Bosco即笑說:「將軍澳太遠啦!我去攞獎太遠嘥油。」

全部穿西裝上陣。
全部穿西裝上陣。
王浩信為角色減磅。
王浩信為角色減磅。



劇中飾演警隊高級督察的王浩信,身形fit爆,他指今次角色做事拼搏,有不少動作場面,更指此劇是他最辛苦的頭三位:「本身有75kg,之前拍《刑偵日記》時有80kg,呢部戲拍除衫戲當日係我十幾年嚟最輕磅數嘅一日,只有72kg,對我來講幾新嘗試,幾鍾意造型嘅輕巧狀態。」

Bosco和鍾嘉欣主演的《護花危情》將重播。
Bosco和鍾嘉欣主演的《護花危情》將重播。
其他文章
hd