首頁 即時娛樂

頭條獨家丨曹央雲Shopping保鮮袋當銀包用 2.3億出售山頂獨立屋身家達7億

29/09/2021 02:00:00
曹央雲早前到銅鑼灣行平民雜貨店。
曹央雲早前到銅鑼灣行平民雜貨店。

94年亞姐季軍曹央雲與富商何永安離婚後,獨力湊大兩位千金Audrey和Promise,如今囡囡長大,感情深厚的3母女不時黐住逛名店、食Afternoon Tea。至兩個多月前,有傳她成功放售3195方呎的山頂紅莓閣獨立屋,以約2.3億易手。雖然坐擁7億身家,但早前《頭條日報》記者於銅鑼灣撞到曹央雲行平民雜貨店,見佢用保鮮袋做「散紙包」,袋住啲100蚊同散銀,防疫緊要過靚,明白嘅!採訪:梁志明

曹央雲揀了一個48蚊的全白色細花盆。
曹央雲揀了一個48蚊的全白色細花盆。
曹央雲拎起個「餐碟咁大」的底盤左拼右拼。
曹央雲拎起個「餐碟咁大」的底盤左拼右拼。


早前晚上近7點,一身「度假Look」的曹央雲,穿上白色連身長裙襯牛仔褸再踢涼鞋,獨自現身駱克道一間雜貨店。甫走進舖頭,鎖定目標買園藝用品的她,好快便睇中一個48蚊的全白色細花盆;之後曹央雲單手托住個花盆,再繼續揀底盤,她拎起個「餐碟咁大」的底盤左拼右拼,放低又行去另一邊貨架慢慢睇,心大心細兜了一圈,結果還是揀番38蚊一個的大底盤。

孭住LV大袋的曹央雲將保鮮袋當散紙包用!
孭住LV大袋的曹央雲將保鮮袋當散紙包用!
曹央雲買了大袋園藝用品便離開。
曹央雲買了大袋園藝用品便離開。


孭2萬LV袋逛平民店
逛了約半小時終於捨得畀錢,曹央雲同收銀姐姐傾了幾句,然後從手袋中摷銀包出嚟找數,但勢估唔到,孭住一個價值約22,150蚊的LV Monogram Giant Jungle Onthego Tote Bag的她,拎出的散紙包居然是一個透明Zig Zag袋!估計是疫情關係,為免銀紙和Coins成為散播細菌的來源,所以曹央雲先用保鮮袋裝住啲錢。

曹央雲經常同兩位千金去食Afternoon Tea。
曹央雲經常同兩位千金去食Afternoon Tea。
曹央雲成「疫」境廚神,不時炮製美食餵囡囡。
曹央雲成「疫」境廚神,不時炮製美食餵囡囡。
有傳曹央雲成功放售山頂紅莓閣獨立屋。
有傳曹央雲成功放售山頂紅莓閣獨立屋。
其他文章
hd