首頁 即時娛樂

頭條獨家丨否認外形升級靠加工 蔡港評:其實都想整㗎

27/09/2021 21:45:00
小評外形跟參加《造星》時變化好大,不過他否認靠整容。
小評外形跟參加《造星》時變化好大,不過他否認靠整容。

18年的《全民造星》將蔡港評(小評、Kobbie)由舞蹈員變身歌手,睽違這段日子他簽了公司,去過美國學藝,先後推出了兩首英文歌《Proud Of Me》、《New Me》和一首國語歌《Anymore》,歌藝進步之餘,外形亦升級,除了大隻了兩、三個碼,靚仔樣被網民直指靠整容加工,小評否認兼大方回應:「其實都想整㗎!我都唔介意。」撰文:杜淑霞 攝影:張詠森 髮型:Harry Lau@Beijing Hair Culture

小評話仲未滿意自己身形,仲希望再大隻啲。
小評話仲未滿意自己身形,仲希望再大隻啲。
《Anymore》本安排到美國拍MV,但遇上疫情小評被迫改計劃,「本來有晒故事,女主角係金髮美女,最後唯有改騷肌肉。」
《Anymore》本安排到美國拍MV,但遇上疫情小評被迫改計劃,「本來有晒故事,女主角係金髮美女,最後唯有改騷肌肉。」



參加《造星》期間,小評已被現時經理人睇中,若然冇簽約有可能成為MIRROR一員,但他完全冇後悔,「首先好戥佢哋開心,大家都可以喺鍾意嘅目標上努力,自己都好開心簽咗而家公司,簽到間國際性多少少嘅公司係好好彩,如果公司搞啲選秀活動,可能由尖沙咀排到去港島區,自己未必有呢個機會,好彩喺朋友介紹下認識到而家經理人。」


美國邊玩邊工作

雖然早前小評好似比較沉寂,但原來他到了美國學藝兼製作新歌,三首新歌《Proud Of Me》、《New Me》和《Anymore》都在當地製作,「喺LA主要係見啲音樂人,了解多啲製作上嘅嘢,同埋拍MV,我之前出嘅歌《Proud Of Me》、《New Me》MV都喺美國LA同埋Las Vegas取景,去咗好多唔同景點,喺嗰邊一邊玩一邊做嘢真係好開心。」

《Proud Of Me》MV,小評在美國LA拍攝。
《Proud Of Me》MV,小評在美國LA拍攝。
《New Me》MV在Las Vegas沙漠取景。
《New Me》MV在Las Vegas沙漠取景。




小評首支派台國語歌《Anymore》MV引起不少迴響,雖然全黑白但大晒他勁爆腹肌和胸肌,他承認有意走性感路線而狂操肌,「見到啲外國Model都想似佢哋咁澎湃,公司安排咗個教練畀我,安排我飲食同鍛鍊上,胸肌大咗兩吋,近40吋,以前60kg,而家65kg,希望增肌肉去到70kg。」除了身形升級,網民亦質疑他靚仔咗靠整容,「其實都想整㗎!我都唔介意,但係而家都冇整到,都有呢個效果都好開心。(想整邊度?)眼、鼻乜都可以整吓,始終自己唔係靚仔。(而家對眼精靈咗?)黐咗雙眼皮膠紙,啲小技巧就幫到自己好多。」

早前小評演出《新城30+集體回憶音樂會》唱到興起即場除衫。
早前小評演出《新城30+集體回憶音樂會》唱到興起即場除衫。
小評看見《造星》時同組的姜濤、Anson Lo和Alton發展得好,都戥他們開心。
小評看見《造星》時同組的姜濤、Anson Lo和Alton發展得好,都戥他們開心。
其他文章
hd