首頁 即時娛樂

頭條獨家丨陳家樂強調為紀錄操肌成果 貼相被指同連詩雅放閃

07/10/2021 22:30:00
下周12日便35歲的家樂,想改變身形搣甩𡃁仔感覺。
下周12日便35歲的家樂,想改變身形搣甩𡃁仔感覺。

陳家樂經常提到恨拍劇兼做紀律部隊,最近終在TVB劇《把關者們》達成心願,更開心跟袁偉豪等對手合作愉快。講到他早前跟女友連詩雅分別晒出海相被指放閃,他強調貼相只為紀錄努力操肌成果,望外界將焦點放在工作上。至於19年以5000萬買入何文田傲玟單位早前已取消交易,他有意轉到新界區置業。撰文:杜杜  攝影:沈健程  髮型:KenrickSiu  化妝:khaki yan

劇中家樂跟Ben關係,同樣亦師亦友。
劇中家樂跟Ben關係,同樣亦師亦友。
家樂和連詩雅分別貼出出海相,拼埋一齊個景完全一致。
家樂和連詩雅分別貼出出海相,拼埋一齊個景完全一致。



陳家樂在《把關者們》演退役劍擊運動員、再投考海關的「陳家興」,性格高傲自負兼唔合群,第3次拍TVB劇的他,同好多拍檔都不認識,他自爆竟被袁偉豪(Ben)誤會同角色一樣好鬼寸,「Ben成日都話『第一日見到寸到個樣』,我唔係寸,只係我見到啲未見過嘅人會私私縮縮,同埋近視又唔戴眼鏡,人哋同我點頭我又飄過咗嗰啲衰嘢,哈哈!佢話開頭以為大鑊合作幾個月,但大家玩落好開心。」訪問時Ben剛巧路過,見兩人相處就知已變老友。

家樂因演退役運動員而學劍擊,因而愛上這運動。
家樂因演退役運動員而學劍擊,因而愛上這運動。
路過家樂身邊的Ben,搞笑對住鏡頭話:「靠佢啦未來電影、電視業!」
路過家樂身邊的Ben,搞笑對住鏡頭話:「靠佢啦未來電影、電視業!」



轉到新界區置業

講到家樂跟連詩雅一直低調拍拖,早前卻分別貼同景出海相放閃,他就解釋大家誤會了他,「點解我會出呢張相,想講番我身形變化,由上年拍劇前9月度開始練,中間增磅肥咗,拍廣告又cut番,個過程好長,到咗9月夠一年,搵個機會紀錄低件事,焦點係身形嘅轉變。」問到他對戀情一直低調,他就解釋想等事業穩定再講私人事,「好怕啲人見到我只係記得我私人嘢,而唔記得我嘅工作,坦白講,我花喺健身嘅時間真係好多,係唔容易,都想觀眾留意呢啲努力上面,多過我私生活,所以唔講太多。」


提到19年以5000萬購入何文田傲玟單位,因工程問題而導致延期收樓,家樂跟家人商量後選擇終止交易,並會再考慮再置業,「我始終大個仔,冇理由同屋企人住,不過上次揀嗰度就係屋企人覺得方便將來小朋友讀書,佢哋諗到咁遠,如果我自己揀會揀住佢哋隔離,住番新界區,但未有時間去睇樓住。」

家樂花了一年時間操肌,身形健碩不少,但他仍未滿意。
家樂花了一年時間操肌,身形健碩不少,但他仍未滿意。
家樂雖初次跟C君、黃建東和楊潮凱合作,但好快熟絡。
家樂雖初次跟C君、黃建東和楊潮凱合作,但好快熟絡。
其他文章
hd