首頁 即時娛樂

方俊出錢出力照顧張偉文被激讚有情義 黑雨下水浸入屋望水為財 

09/10/2021 06:30:00
因為方俊趕住車張偉文入TVB錄影,黑雨下水浸入屋都只能交畀家傭處理。
因為方俊趕住車張偉文入TVB錄影,黑雨下水浸入屋都只能交畀家傭處理。

昨晨大暴雨引致全港多處水浸,「靚聲王」張偉文(Donald)監護人兼好友方俊(Aman)位於九龍塘寓所都水浸到入屋,因為大廈去水渠淤塞,所以倒灌上一樓其住所,水位由露台湧入屋浸咗半個客廳,客廳地氈全部遭殃!由於Aman趕住陪張偉文往電視城錄影《善心滿載仁愛堂》未有時間跟管理處交涉,但見到「災情」頭都暈,好彩家中鋪地磚,而家中所有都係有腳傢俬。Aman相當無奈說:「希望成日做善事,會善有善報,水為財啦!」

 

日前TVB節目《東張西望》播出張偉文受訪的片段,期間張偉文喊爆公開感謝好友方俊嘅照顧,他一度哽咽說:「我得一個人,乜都係自己諗自己做,好多謝佢啦!」方俊被感動到眼紅紅回應話:「偉文係我前輩好提攜我,佢行動唔方便,需要人照顧,我會盡量抽時間同佢行吓街,食吓嘢,等佢冇咁悶。」事後他向本報記者表示當時聽到張偉文咁講好突然,其實內心一樣好感觸。唔少網民大讚方俊有情有義,即使冇血緣關係都出錢出力咁照顧張偉文。

方俊經常宴請朋友到家中飯局,好讓陪吓行動不便嘅張偉文。
方俊經常宴請朋友到家中飯局,好讓陪吓行動不便嘅張偉文。
方俊會盡量抽時間同張偉文行吓街,食吓嘢,等佢冇咁悶。
方俊會盡量抽時間同張偉文行吓街,食吓嘢,等佢冇咁悶。

方俊屋企喺黑雨下浸咗半個客廳,睇見都頭痛。
方俊屋企喺黑雨下浸咗半個客廳,睇見都頭痛。
方俊出錢出力,張偉文喺《東張西望》喊住公開感謝他照顧,連網民都激讚。
方俊出錢出力,張偉文喺《東張西望》喊住公開感謝他照顧,連網民都激讚。

其實方俊都好有唱歌及演戲才華,曾同甄妮演出。
其實方俊都好有唱歌及演戲才華,曾同甄妮演出。
方俊都有拍劇做小角色。
方俊都有拍劇做小角色。
其他文章
hd