首頁 即時娛樂

吳麗珠憶與許冠武拍拖12年 結婚前才反思非那杯茶

09/10/2021 20:30:00
珠女自爆當年同許冠武計劃去拉斯維加斯結婚,連主婚人都約好。
珠女自爆當年同許冠武計劃去拉斯維加斯結婚,連主婚人都約好。

至今仍單身的吳麗珠(珠女),近日接受電台《舊日的足跡》訪問,過去她只曾跟陳百燊和許冠武扯上關係,她說:「我有好多段感情,只係嗰兩段被人知道,不過我唔抗拒,我見過有人70歲結婚,我未試過,可以試吓。結婚唔一定等於幸福,當年同陳百燊係訓練班同學,一齊幾年,分開咗我唔想搬返屋企,余慕蓮(余毛)就租咗間房畀我住咗一年,所以我好錫余毛,佢係我恩人。」

許冠武(左)是許冠文和許冠傑的兄弟。
許冠武(左)是許冠文和許冠傑的兄弟。
陳百燊(右)則是陳百祥弟弟。
陳百燊(右)則是陳百祥弟弟。



至於與許冠武一齊12年,應該好穩陣?珠女卻說:「可能我唔係要求呢一樣嘢,我哋拍拖唔係Sam(許冠傑)介紹,因為我哋(與許冠武)都鍾意夜蒲鍾意飲酒,分開咗先反思原來我根本唔喜歡嗰種類型,我着重玩要投入之外,做事都要認真同有責任感。當年我哋計劃去拉斯維加斯結婚,連主婚人都約好,但嗰陣我剛出嚟做地產,見到外面嘅世界,感到對方未必適合自己。我同佢傾,佢似乎冇乜反應,我再表示我要離開,佢都冇反應。」
珠女續謂:「我仲記得我唔想佢媽媽唔開心,因為我哋同佢媽媽一齊住,於是我好似螞蟻搬家,每晚返去偷走一啲衣物,我唔想佢見我一日之內搬走所有嘢,因佢媽媽都錫我……後來我冇交代,但我都有出席許媽媽同許冠英嘅喪禮,因為我覺得我哋兩個人嘅事,同佢嘅兄弟姊妹同媽媽冇關。」

許冠武(左)與許冠文(左二)曾為許冠傑(右二)開騷綵排。
許冠武(左)與許冠文(左二)曾為許冠傑(右二)開騷綵排。
珠女(左)接受車淑梅電台節目訪問。
珠女(左)接受車淑梅電台節目訪問。

其他文章
hd