首頁 即時娛樂

熊黛林收菠蘿油蛋糕賀41歲 插蠟燭無從下手笑到流眼水

10/10/2021 23:30:00
Lynn因不想破壞蛋糕造型,插蠟燭時笑到流眼水。
Lynn因不想破壞蛋糕造型,插蠟燭時笑到流眼水。

熊黛林(Lynn)今日(10日)41歲牛一,公司老闆日前跟一班同事為她預祝生日,更為她特別訂製兒時最愛食的菠蘿油造型蛋糕,Lynn見到實物時笑不攏嘴。Lynn在社交網上載慶祝短片,見她因不想破壞蛋糕的造型,插蠟燭時不知從何入手,其間更笑到標眼水趴在枱上,又用紙巾抹眼水。她留言:「生日就係要開心快樂!祝我生日快樂啦~多謝最親愛的經理人」,並打上hashtag祝大家身體健康最緊要。

Lynn原來細細個好鍾意食菠蘿油。
Lynn原來細細個好鍾意食菠蘿油。
Lynn牛一舉行家庭聚會。
Lynn牛一舉行家庭聚會。


Lynn笑說:「我唔係感動落淚,係笑到標眼水!蛋糕個形狀加埋支蠟燭有少少搞笑,蠟燭都唔知放喺邊度好,哈哈哈。菠蘿油係我最鍾意食嘅港式麵包,但係因為牛油係我嘅死穴,一食就肥,所以已經戒咗好耐,今次大家知道我鍾意菠蘿油就訂呢個蛋糕畀我,真係好有心、好感動。」原定昨日與家人出外食晚飯,正日則留在家舉行大閘蟹宴,但因昨日早清晨到半夜一直懸掛8號風球,被天氣打亂計劃,只能在家中食公仔麵,家庭聚會延到正日舉行。

其他文章
hd