首頁 即時娛樂

唐詩詠被彈「太瘦唔夠高」難做主角 認任性咬緊牙關喊住行落去

11/10/2021 16:00:00
馬德鐘和唐詩詠在演戲上都曾經遇過挫折。
馬德鐘和唐詩詠在演戲上都曾經遇過挫折。

馬德鐘、唐詩詠、王君馨、關禮傑、簡淑兒等今日在葵芳為TVB劇集《我家無難事》宣傳,馬德鐘指劇集進入結局篇,大家要留意他能否與老婆重修舊好,劇情將會有好多波折,一定有驚喜。

詩詠在現場派禮物,甚受歡迎。
詩詠在現場派禮物,甚受歡迎。
徐榮和車婉婉。
徐榮和車婉婉。


唐詩詠透露早前出席一個講座分享演戲心得,最深刻現場有個女孩子好鍾意演戲,但參與多次試鏡也失敗,她鼓勵對方要堅持,還可以學演戲增值。她以過來人說:「呢條路係好辛苦,一路行會被人拒絕,聽到有人話自己唔得,太瘦、唔夠高做唔到主角,無論人哋點講,最緊要自己係咪好鍾意演戲,鍾意就要咬緊牙關,喊住行落去。」她自認任性,愈被人看不起,愈要爭氣繼續行落去。

詩詠自認任性,愈被人看不起,愈要爭氣。
詩詠自認任性,愈被人看不起,愈要爭氣。
關禮傑身形好Fit。
關禮傑身形好Fit。


馬德鐘也曾被人拒絕過,但堅持不放棄,他說:「以前試過拍鬼片,拍咗兩日就被導演換走,當然唔開心,難得接近係男主角,戲份較重。但當時自己比較新,會反省邊方面做得唔夠好,所換嘅演員都好堅,所以我從來冇講。」他覺得經歷令自己行出人生路向,勉勵同學被人拒絕不緊要,只要有一次機會,好好把握便會成功。說到現時他證明自己演戲得,他笑笑口說:「仍須努力,希望有機會同呢位導演再合作。」

《我家無難事》進入結局篇。
《我家無難事》進入結局篇。
王君馨派心。
王君馨派心。
馬德鐘自爆入行初期,曾被換角。
馬德鐘自爆入行初期,曾被換角。
其他文章
hd