首頁 即時娛樂

好掛住日本丨Jarvis老貓燒鬚陷自信危機 與坤哥靠200蚊戰衣翻身

12/10/2021 19:00:00
 「Jar坤」拜見日本女團,二人全程表現「失準」,有冇咁怕醜呀?!
 「Jar坤」拜見日本女團,二人全程表現「失準」,有冇咁怕醜呀?!

吳業坤(坤哥)及周奕瑋(Jarvis)主持的TVB節目《#好掛住日本》,將於今、明兩晚(12及13日)播出最後兩集,兩位主持將會搞大龍鳳殺入女團挑戰日本偶像界盛事《@JAM EXPO 2020-2021》!平時招招積積的「Jar坤」,向女團成員自我介紹時連番失利,坤哥突然語塞,Jarvis更驚現語言錯亂!之後二人參與了一連串女團特訓,包括排舞、錄音及聲樂訓練等,期間手腳唔協調的Jarvis慘陷自信危機,單是練舞已錯漏百出,記錯拍子、走錯位、忘記動作等應有盡有;而身為歌手的坤哥,錄音期間亦是狀況百出,令原本已很騰雞的Jarivs更為絕望:「最後嗰刻嘅自信都冇埋。」經過連日努力,「Jar坤」最終冒著35度高溫,身穿價值HK$200的戰衣上陣與女團拍MV,表現似模似樣,到底最終二人能否成功隨團登上@JAM EXPO 2020-2021舞台,便要密切留意《#好掛住日本》最終回。

Jarvis(左)講嘢講到亂晒籠,咩「語」都講齊!
Jarvis(左)講嘢講到亂晒籠,咩「語」都講齊!
坤哥連錄音都遇到困難。
坤哥連錄音都遇到困難。



另外,Jarvis於今晚將會帶大家走訪隅田川,除了讓大家感受一下日本小區的寧靜及貼地感,更順道帶大家參觀了月租約港幣一萬多元的小型單位。雖然該個單位只有三百多呎,但「麻雀雖小,五臟俱全」,不但景觀一流,而且間格實用,不但多位置放置雜物,閣樓的設計更是慳位又特別!兩人亦把握機會進行美食衝刺,其中較為特別的,是原來日本人會吃燒肉當早餐,而「Jar坤」介紹的燒肉早餐價錢只需HK$40左右,已有齊飯、湯、雞蛋及主食,夠晒平靚正!二人還走訪了別具特色的無酒精酒吧、每星期都有新菜單推出的有Heart法式拉麵店、估你唔到咁方便嘅小食販賣機等,務求最後衝刺將美食速遞到觀眾眼前。

Jarvis(右)似乎好懊惱!
Jarvis(右)似乎好懊惱!
呢套戰衣,係咪一啲都唔似HK$200咁平呢?
呢套戰衣,係咪一啲都唔似HK$200咁平呢?

坤哥(左)同Jarvis無論食乜都好似特別滋味咁!
坤哥(左)同Jarvis無論食乜都好似特別滋味咁!
小食販賣機竟然可以買到熱辣辣嘅拉絲多士!
小食販賣機竟然可以買到熱辣辣嘅拉絲多士!
其他文章
hd