首頁 即時娛樂

鍾培生請伊健MIRROR被拒 網民:唔係個個林作恨錢恨到唔要尊嚴

14/10/2021 08:00:00
鍾培生爆搵嘉賓好困難,連環食檸檬。
鍾培生爆搵嘉賓好困難,連環食檸檬。

鍾培生早前拍片聲稱「林鍾一戰」吸金8位數(以千萬計),又大林作是「聰明仔」配合宣傳策略。日前鍾培生再拍片爆內幕,稱一開始係想邀請人氣偶像炒熱個場:「一開始其實係有搵MIRROR、ERROR,但佢哋Turn down咗!」

當日鍾培生坐住條龍從天而降出場,佢話由細到大都想做皇帝,久不久就會著龍袍,21歲生日都係著龍袍,原本仲構思搵鄭伊健唱《數碼暴龍》增加氣勢,佢話:「現場效果有一條BB龍啱啱出世,跟住噴少少火啦,然後變大,用CQ特效令條龍喺現場飛幾個圈,不過鄭伊健推咗,但我哋都係揀咗好貴嘅特效,本來搵鄭伊健都唔會平啦!」

拳賽當晚,鍾培生坐住龍從天而降,出場時間用了差不多8分鐘。
拳賽當晚,鍾培生坐住龍從天而降,出場時間用了差不多8分鐘。
鍾培生覺得193是現今一代的壞男孩代表。
鍾培生覺得193是現今一代的壞男孩代表。


鍾培生仲話係故意營造壞男孩形象,令拳賽爆發火花,佢覺得上一個代表香港嘅壞男孩係陳冠希,依家似乎就去咗ERROR成員193郭嘉駿身上,但講到尾都係請唔郁。唔少網民就大潑冷水,留言:「唔係有錢大晒」、「鍾生被派檸」、「伊健淨係為錢就唔會推內地真人騷啦」、「唔係個個林作恨錢到唔要尊嚴嘅」等。

上一代是陳冠希。
上一代是陳冠希。
鍾培生大談賺到8位數的方法。
鍾培生大談賺到8位數的方法。

被網民揶揄「唔係有錢大晒」。
被網民揶揄「唔係有錢大晒」。
有想過請MIRROR。
有想過請MIRROR。
伊健沒有與「古惑仔」兄弟一齊上大陸綜藝節目搵錢。
伊健沒有與「古惑仔」兄弟一齊上大陸綜藝節目搵錢。
其他文章
hd