首頁 即時娛樂

頭條獨家丨王梓軒睇C君頭求添食 《演鬥聽》捧人構思來自曾志偉

14/10/2021 21:41:00
王梓軒按曾志偉意思製作《演鬥聽》,他最想C君協助搞第二輯。
王梓軒按曾志偉意思製作《演鬥聽》,他最想C君協助搞第二輯。

TVB節目《演鬥聽》將於11月13日播出最後一集,而當晚播映時間會提早至晚上10時,更請到20位音樂人及歌手如王菀之、吳業坤、趙慧珊、施匡翹等撐場。雖然節目一直被視為走偏鋒,但口碑唔錯,更被形容係有質素嘅節目,第一季完結,王梓軒坦言好不捨,期待將來再玩過。採訪:方騫平 攝影:葉君海 服裝:K-Swiss、Palladium

王梓軒跟《演鬥聽》團員合力製作高質素節目。
王梓軒跟《演鬥聽》團員合力製作高質素節目。
其中一集坤哥同姜麗文對戰,坤哥創作《食燒賣》形容家燕姐。
其中一集坤哥同姜麗文對戰,坤哥創作《食燒賣》形容家燕姐。

身兼節目主持人兼音樂總監嘅王梓軒提到節目的由來,因為幾年前喺演藝人協會同曾志偉傾開,大家都想搞個帶有刺激性嘅音樂節目,畀一班有才華嘅音樂人喺冇壓力下發揮才華。

(左起)鄭嘉嘉、王梓軒及二胡手Lydia都好有音樂才華。
(左起)鄭嘉嘉、王梓軒及二胡手Lydia都好有音樂才華。
王君馨性感演出,節目中又唱又跳。
王君馨性感演出,節目中又唱又跳。

好恨將節目變成一個Show
為咗向曾志偉交代,王梓軒瞓晒身,每次花十幾小時錄影一集,仲會度埋節目內容。他笑說:「藝人面對輿論及花邊新聞,最慘係冇渠道解釋,透過音樂及唱歌,大家會聽得入耳,識聽嘅亦會搵到答案,所以我哋會喺嘉賓身上加入返啲好玩嘅素材,好似鄭俊弘講返創作《火車未到站》係因為忘記拉拉鏈;《刀削面》胡鴻鈞又畀鄭嘉嘉追問有冇整過容。」問到可有想過開第二輯或將節目變成一個show?梓軒恨到出口說:「我哋成班都係玩開演唱會嘅梗係恨開Show啦!而農夫嘅C君(鄭詩君)好鍾意個節目,成日話撐但又冇時間上嚟做嘉賓,𠵱家佢『升呢』J2台創意總監,我就靠呢位高層撐我開新一輯節目啦!」

王梓軒跟監製張志明(左1)合力搞好《演鬥聽》,節目贏得好口碑。
王梓軒跟監製張志明(左1)合力搞好《演鬥聽》,節目贏得好口碑。
王梓軒喺錄影節目期間獲鄭嘉嘉送上精心設計嘅蛋糕賀壽。
王梓軒喺錄影節目期間獲鄭嘉嘉送上精心設計嘅蛋糕賀壽。
C君做咗無綫J2台創意總監,梓軒想他出手協助做第二輯《演鬥聽》。
C君做咗無綫J2台創意總監,梓軒想他出手協助做第二輯《演鬥聽》。
其他文章
hd