首頁 即時娛樂

雪雪為處女棟篤笑隨時準備犧牲色相:啲飛賣得好快醒一張三點式

15/10/2021 23:30:00
盧覓雪的《雪說笑 da go bin ro》的門票今日開售。
盧覓雪的《雪說笑 da go bin ro》的門票今日開售。

盧覓雪將於下月6至7日在九展匯星舉行《雪說笑 da go bin ro》,是次門票已於今日(15日)起於快達票售票網公開發售,雪雪今日接受好友阮兆祥主持的商台節目《1圈圈》訪問,大爆今次開騷不為人知的內幕。

雪雪搵甘小文出手。
雪雪搵甘小文出手。
雪雪今日接受祥仔訪問。
雪雪今日接受祥仔訪問。


節目中,雪雪分享為何這次處女棟篤笑海報沒以靚相作招徠,卻以兩款出自兩位本土漫盡家甘小文與林祥焜的作品代替,她先指與兩大漫晝家的淵源:「我由細到大受哥哥影響,睇咗好多本地漫畫,可以話係喺甘小文嘅『柑、蕉、桔、梨、碌柚』等作品中浸淫成長,我哋因一次訪問結緣,亦有一見如故嘅感覺;至於林祥焜,去年我在節目中為他西九露天漫畫的是非說了幾句中肯的話,之後他主動inbox我道謝,自此成為好友。」到開騷前工作人員要求雪雪影靚相做海報,雪雪坦言:「我又唔係靚女,影乜鬼?那就請兩位老友幫我畫出兩款風格截然不同的漫畫,正正配合我雙子座的兩面性。」


對於被祥仔問及近日修身成功,是否準備好於棟篤笑中性感登場盡騷美好身段,雪雪笑說:「大家唔使諗喇,嗰啲馬甲線,南北半球,我係會畫上去嘅!」不過,雪雪揚言無論今日門票開賣銷情是否理想,都準備隨時犧牲色相,她公開許下承諾說:「如果啲飛賣得好快,我醒一張三點式過大家睇!如果賣唔去,我更加要出三點式,因為要谷飛呀!哈!」

其他文章
hd