首頁 即時娛樂

頭條獨家丨《賭命》人夫玩到「有反應」 火火唔怕教壞人:感情進步咗

16/10/2021 18:30:00
不少網民睇完都覺得《賭命夫妻》節目在玩火。
不少網民睇完都覺得《賭命夫妻》節目在玩火。

由火火和陳嘉倩主持的ViuTV真人騷《賭命夫妻》邀請五對夫妻玩遊戲贏取港幣10萬元獎金,挑戰人妻人夫的「定力」!節目播出後,即惹來大批網友炮轟意識不良、玩得太過火、畫面涉及色情以及歪曲道德等,直指「好黐線」、「根本係玩火」等。

28歲的Benson曾直認對PTGF、即口罩小姐Mangie有好感;昨晚(15日)播出的一集,Benson與Mangie繼續大玩曖昧,在船P上摸勻Mangie全身,還講「有味」笑話,Mangie指如果自己跌落海,Benson就算想救都「扯唔起我」,Benson即指男人遇到Mangie都會「扯得起」,內容相當大膽露骨。不少網民都洗版式留言鬧爆Benson,叫他放生結婚3年的老婆Ruby。

Benson直認對PTGF、口罩小姐Mangie有好感,二人還講有味笑話。
Benson直認對PTGF、口罩小姐Mangie有好感,二人還講有味笑話。
身體任摸。
身體任摸。



另一個挑戰肉體極限的環節,是要人夫戴住眼罩被5位PTGF瘋狂摸身挑逗,有限時2分鐘內,5位人夫即使面對極其親密的身體接觸,都沒有一個嗌停!之後製作組換上「老婆」上場扮PTGF,其中Dennis的太太Teris餵食軟糖咀嘴後,覺得Dennis有所反應,即忍不住當眾摑了老公一巴,並即場激動爆喊。

還吹耳仔,呢位係老婆。
還吹耳仔,呢位係老婆。
大家定力都好夠,被人摸足2分鐘唔嗌停。
大家定力都好夠,被人摸足2分鐘唔嗌停。


對於外界的批評,火火今日接受《頭條娛樂》訪問時表示相信夫妻早有心理準備:「明知咁多鏡頭,再鹹濕都唔會忍唔住,畀我就估係男人、一係自己老婆。嗰一巴我覺得係積怨積落嚟,一個發洩。」問可擔心教壞人?他說:「唔係好擔心,佢哋幾成熟同情比金堅,就係覺得打風都打唔甩,所以先想玩到呢個程度,so far節目拍完到依家,佢哋感情進步咗。」另外,有份幫手安慰人妻Teris的陳嘉倩,直認當時自己也有點手足無措:「傾落發覺原來佢哋兩公婆一路以嚟都有啲溝通問題,私下都傾咗成個鐘,火火以過來人經驗share返,我哋都袋咗好多嘢落袋。」對於節目被指玩出火,她指下星期會有婚姻輔導專家幫手解決問題。

老婆Teris扮PTGF嘴Dennis。
老婆Teris扮PTGF嘴Dennis。
結果被摑一巴。
結果被摑一巴。
Teris指老婆「有反應」爆喊後,要火火和陳嘉倩安排私下傾談。
Teris指老婆「有反應」爆喊後,要火火和陳嘉倩安排私下傾談。
五位惹火PTGF。
五位惹火PTGF。
陳嘉倩直認手足無措。
陳嘉倩直認手足無措。
五位人妻。
五位人妻。
人妻都有親密接觸鏡頭。
人妻都有親密接觸鏡頭。
其他文章
hd