首頁 即時娛樂

許靖韻最愛一人唱K:喪跳自high冇人睇到

18/10/2021 10:30:00
許靖韻為宣傳新歌到K場同Fans唱歌。
許靖韻為宣傳新歌到K場同Fans唱歌。

剛推出新歌《I'm Sorry》的許靖韻(Angela)日前到K場同fans唱新歌,雖然歌曲推出不久,但fans們都啷啷上口,她更大讚其中一位男fans唱得勁:「佢啱啱啲和音係啱晒㗎,好勁。」難得可以與偶像唱K,fans們當然相當興奮,Angela去到其中一間K房時,兩位fans十分雀躍,一邊合唱一邊自拍,在場工作人員見狀,便示意幫忙,怎料fans竟說:「你唔好阻住我啦!」Angela聽到後立刻爆笑,期間見到她們準備鎖匙扣、曲奇餅和玫瑰花等禮物,氹得Angela勁開心!

即場為Fans簽名。
即場為Fans簽名。
見到偶像勁緊張!
見到偶像勁緊張!


活動結束後,Angela表示勾起她不少唱K的回憶,原來Angela讀書時期試過為了唱K而欺騙媽媽:「嗰陣係瘋狂到係lunch hour都會去唱K,因為lunch K係可以連埋食嘢,我哋學生就會覺得好抵。以前試過summer time學校早放,我特登唔同媽咪講早放,就係為咗去唱K,唱到放學時間先至返屋企。」而唱通宵K更加是家常便飯,「夜晚七點開始唱,之後食K buffet,食完之後繼續唱,唱到第二朝。同埋因為有時好似係過咗十二點之後,如果冇人用房,我哋就可以繼續唱,嗰陣時成日都有呢啲唱通宵嘅情況。」


她又透露會經常一個人唱K:「錄音之前唔知去邊,於是去咗唱K,自己唱咗兩個鐘,當開聲。我會一次過諗好晒啲歌然後點!自己一個人有好多歌想唱㗎!通常都係快歌,會跳埋舞自high,都冇人睇到,冇閉路電視㗎嘛,仲爽喎,哈哈。」

其他文章
hd