首頁 即時娛樂

頭條獨家丨JW厚切臀部加肉髀再現 激減21磅拍劇煞科1個月翻脹

19/10/2021 01:30:00
JW跟男友行街,兩人加起來「份量」十足。
JW跟男友行街,兩人加起來「份量」十足。

剛拍完古裝劇《痞子殿下》的王灝兒( JW ),終於有時間跟男友葉韋彤(Tarzan)拍拖行街,不過今年5月劇集開鏡時才宣佈成功激減21磅,體重回復少女時代,估唔到9月劇集煞科,停工短短一個多月,好食好住的JW又再翻脹,就算企喺重量級男友身邊,依然覺得好有肉地。採訪:梁志明

側面看,腰圓背厚的JW相當有睇頭。
側面看,腰圓背厚的JW相當有睇頭。
拍完劇,男友孖JW拍拖周圍去。
拍完劇,男友孖JW拍拖周圍去。

去年5月,本刊獨家拍到JW跟男友Tarzan在公園放狗,自拍拖後一直心廣的她不單體胖,更被拍到腰纏「士啤呔」,事後JW坦言因看到自己的「肉照」,不得不決心減肥。

去年5月,本刊拍到JW跟男友放狗,她坦言自照片出街後,下定決心減磅。
去年5月,本刊拍到JW跟男友放狗,她坦言自照片出街後,下定決心減磅。
去年8月,JW開始減肥三個月未見效果,但依然夠勇着顯肥白裙出活動。
去年8月,JW開始減肥三個月未見效果,但依然夠勇着顯肥白裙出活動。


同男友真係好有夫妻相

言出必行,到11月,她已經成功搣走17磅肉,更分享瘦身餐單。JW指試過一日只食蘋果或飲湯,完全戒掉碳水化合物,雖有效但迅速反彈。其後作出調校:「減肥仍然會一日三餐,只要控制份量便可以。」今年5月,JW積極備戰拍劇,最後衝刺於兩星期內減多4磅,兼且公開一張身穿舊牛仔裙的照片,裙頭非常寬鬆。不過劇集煞科接近兩個月,JW跟男友行完街去攞車,全黑的她明顯再翻脹,雖然未見大肚腩,無論側面定正面睇,腰圓背厚的JW站在男友身邊,一啲都唔輸蝕。未知是否需要另一個減磅大計?

17年,JW着三點式遊船河,身形未暴脹好吸睛。
17年,JW着三點式遊船河,身形未暴脹好吸睛。
好瘦的JW指男友十分細心,經常管接送。
好瘦的JW指男友十分細心,經常管接送。
其他文章
hd