首頁 即時娛樂

黃子華拍戲不忘行善 提高腦腫瘤意識提高社會資源

19/10/2021 09:00:00
黃子華日前為慈善拍片作出呼籲。
黃子華日前為慈善拍片作出呼籲。

黃子華最近忙於拍賀歲電影,不過他依然為慈善出一份力,日前他在社交平台貼上一段影片,今次他為香港中文大學王連大腦腫瘤中心在本月30日舉行的《腦前行2021》作出呼籲,子華說:「近呢好多年,大家都好興睇韓劇,我都睇咗好多韓劇,我最深刻嘅印象,就係成日都會有腦腫瘤出現,有冇咁多腦腫瘤呀?其實係好不幸,喺呢個世界真係有好多腦腫瘤,我有親人,亦都有朋友都好不幸有過呢啲問題,我比較好運,識好多朋友係醫到,但係都有啲朋友係冇咁好彩。」

黃子華為善事不遺力。
黃子華為善事不遺力。
子華為香港中文大學王連大腦腫瘤中心在本月30日舉行的《腦前行2021》作出呼籲。
子華為香港中文大學王連大腦腫瘤中心在本月30日舉行的《腦前行2021》作出呼籲。



接着子華向大家呼籲,希望當日可以踴躍參加:「而家因為疫情,我錄呢段嘢都要匿埋一邊,唔影響人,咁就可以除一陣間口罩,不過嗰日唔可以一齊行,所以佢哋準備咗個app,嗰日大家一齊搵個鍾意行嘅山行吓,儲咗行嘅哩數,upload番俾佢哋,雖然係各有各行,但係大家可以夾埋一齊腦前行,提高呢方面嘅意識,希望社會多啲資源。」

不少網民支持子華。
不少網民支持子華。

其他文章
hd