首頁 即時娛樂

頭條獨家丨馬天佑讚張新悅何嘉莉有進步 重新包裝6位阿媽包有驚喜

20/10/2021 00:50:00
馬天佑大讚張新悅及何嘉莉有進步。
馬天佑大讚張新悅及何嘉莉有進步。

形象顧問馬天佑(Mayao)將於11月5日在麥花臣場館舉行首個演唱會《Reinvention 馬天佑 衫。重奏》,邀得陳慧珊、關心妍、何嘉莉、張新悅、趙頌茹及谷祖琳着住他設計嘅靚衫,喺台上又唱又跳,Mayao保證令到6位靚媽好驚喜,更會令染指教育界嘅陳慧珊跳出框框變得更時尚!採訪:方騫平 攝影:葉君海 場地:The Pulse

《馬天佑 衫。重奏》係由音樂結合時裝嘅Show,歌手會行埋catwalk。
《馬天佑 衫。重奏》係由音樂結合時裝嘅Show,歌手會行埋catwalk。
張新悅、馬天佑、何嘉莉係嶄新嘅演出組合。
張新悅、馬天佑、何嘉莉係嶄新嘅演出組合。

馬天佑嘅處男Show係由音樂結合時裝,歌手有行catwalk部份。他亦將6位女歌手形象重新包裝。原來呢6位靚媽係Mayao兒時偶像,細細個就聽佢哋啲歌,所以自幼腦海中有好多唔同嘅畫面,今次可以呈現細個時嘅設計:「小時候我自閉到冇朋友,小學時獲邀參加第一個生日會好驚獨坐客廳一角,咁啱俾電視機播緊嘅何嘉莉《愈錯愈愛》MV吸引住,覺得佢好有型同好正,我認為佢可以再昇華啲,帶出啲糜爛感覺。」

作為人母嘅何嘉莉唔介意高貴地性感演出。
作為人母嘅何嘉莉唔介意高貴地性感演出。
何嘉莉曾隔空同薛影儀(阿儀)對唱《兩種人》。
何嘉莉曾隔空同薛影儀(阿儀)對唱《兩種人》。

唱兒歌訓練歌藝
Mayao又大讚張新悅的歌藝進步咗唔少,翻唱《明知故犯》竟然搣甩咗把「雞仔聲」,失去原有「就嚟走音」嘅風格:「咁樣反而令人唔多習慣,不如你唱返渣啲啦!」新悅笑住解釋:「係因為近幾年同囡囡唱兒歌唱得多。」另外,何嘉莉曾隔空同薛影儀(阿儀)對唱《兩種人》,她更多謝阿儀炒返紅首歌:「我覺得佢幾好呀!佢有佢個人風格!呢個世界需要有話題。」

張新悅近年係咁同囡囡唱兒歌,歌藝突飛猛進。
張新悅近年係咁同囡囡唱兒歌,歌藝突飛猛進。
傳陳慧珊近年喺深圳一間英語培訓機構任職英文老師,之前她親自監製過香港開電視《放學後》節目。
傳陳慧珊近年喺深圳一間英語培訓機構任職英文老師,之前她親自監製過香港開電視《放學後》節目。
趙頌茹目前係全職媽咪,難得再踏上舞台演出。
趙頌茹目前係全職媽咪,難得再踏上舞台演出。
馬天佑翻唱《優先訂座》邀得原唱者關心妍合唱。
馬天佑翻唱《優先訂座》邀得原唱者關心妍合唱。
馬天佑重新包裝6位阿媽,包保有驚喜。
馬天佑重新包裝6位阿媽,包保有驚喜。
其他文章
hd