首頁 即時娛樂

鄭伊娜悉心為囡囡搞一歲生日P 獲老公送花感激營造幸福家庭

21/10/2021 07:30:00
鄭伊娜日前到主題公園為囡囡慶祝1歲生日。
鄭伊娜日前到主題公園為囡囡慶祝1歲生日。

前亞姐鄭伊娜(Ena)與激勵導師潘敬祖(Felix)去年榮升做爸爸媽媽,宣佈誕下囡囡「芊豆B」,早前Ena一家三口遊主題公園兼Staycation,Felix在囡囡生日會切蛋糕時,突然拎出一束玫瑰花送給老婆:「我好多謝太太一年前懷胎10月,幾經辛苦生咗可愛嘅小寶寶,為我哋嘅人生帶嚟一份最好嘅禮物,而呢一年太太仲無分晝夜地照顧囡囡以及家庭一切,同我一齊營造咗一個溫馨小家庭。」

芊豆B對外間的事物非常雀躍兼好奇。
芊豆B對外間的事物非常雀躍兼好奇。
生完B的鄭伊娜身形很fit!
生完B的鄭伊娜身形很fit!


見到老公突然送驚喜,Ena感動到眼紅紅,她更笑言今次是第一次一家三口在外面過夜:「真係一啲都唔簡單,因小朋友嘅用品非常多,執行李嘅清單有幾十項,我都用咗六個鐘先完成呢!其實我和Felix都擔心囡囡未必適應,點知原來佢只要攬住我可以瞓得着,睇到囡囡瞓得咁冧,就算平時照顧嘅時候覺得好辛苦,都係非常值得。」

老公送上玫瑰花答謝老婆。
老公送上玫瑰花答謝老婆。
一家三口首次遊主題公園。
一家三口首次遊主題公園。

其他文章
hd