首頁 即時娛樂

青年心城|游嘉欣首度攀石半天吊 驚到手心冒汗嗌救命

21/10/2021 14:30:00
游嘉欣在高位置只能雙手掹住石,真心驚。
游嘉欣在高位置只能雙手掹住石,真心驚。

游嘉欣在TVB新劇《青年心城之撐起青春》首度升呢女主角,除了被讚演技OK,其甜美笑容及天然清純樣子亦為網民受落。在本周日(24日)播出的第三集,是集重點除了阿峰(林正峰飾)會遇上「頭號情敵」、因而醋意大生外,「焗住變頹」的阿峰更會重拾昔日「熱血」Mode,對不公平事件進行大控訴!游游則繼續發揮獨門可愛秘技,演繹大量Gfable表情包,包括期待、欣喜、傾慕及失望等。除了表情豐富大放送,游游新一集更會首度挑戰攀石。

對腳係冇任何嘢畀佢踩住。
對腳係冇任何嘢畀佢踩住。
期待表情包。
期待表情包。



熱愛運動的游游為了以最佳狀態拍攝,事前專誠抽空學攀石,相當專業;雖然做足準備,但游游坦言拍攝時依然險象環生,更拍至手心冒汗:「嗰場戲需要我吊喺半空嗌救命,因為我真係吊咗喺有啲高嘅位,當時我只能靠隻手掹住啲石,對腳係冇任何嘢畀我踩住,所以其實我嗰刻真係驚到出晒手汗,我嘅救命係真心㗎!不過整體成件事係好玩嘅,係拍完第二日對手勁酸痛、手指又冇乜力。」

呢位就係阿峰嘅「頭號情敵」。
呢位就係阿峰嘅「頭號情敵」。
失望表情包。
失望表情包。



在劇中飾演熱血富家千金「阿欣」的游游,劇中角色是集更會展示「驚人」地獄級廚藝,更食到阿峰乸晒口臉,相當爆笑。不過游游強調現實生活中的自己並非如此:「我煮嘢食OK㗎,我媽咪識煮嘅我都識,最鍾意食釀豆腐同釀冬瓜。我下廚有冇烏龍嘢?都有嘅,我試過想整糖番茄,點知落錯咗鹽,好鹹!」愈來愈弗的游游又指為了修身,平時很少外出吃飯,並開心Share節食心得:「盡量戒澱粉質,少油少鹽少糖,如果出街食通常只係食三文治或帶飯。另外我一路有做運動Keep住,因為如果唔Keep再減過好辛苦。」

Gfable表情包大放送。
Gfable表情包大放送。
既然送到入口,都只能逆來順受。
既然送到入口,都只能逆來順受。
其他文章
hd