首頁 即時娛樂

頭條獨家丨Jerry繼文睇住AL AK大唔認同花姐 自嘲《造星II》孤兒被淘汰有啲嬲

21/10/2021 23:30:00
繼文同Jerry一早喺跳舞界認識AL同AK。
繼文同Jerry一早喺跳舞界認識AL同AK。

ViuTV選秀節目《全民造星》系列為香港娛樂圈帶嚟大量生力軍,全女班《造星IV》又將於11月1日播出,討論區有唔少《造星》Fans都戥第二季的參賽者唔抵,播出時撞正社運加疫情令收視大跌,另外成功出道的囝囝一隻手數得晒,剩落《造星》孤兒一大堆,包括50強止步的潘俊維(Jerry)同梁繼文(繼文)。採訪:秦詠姿 攝影:葉君海

Jerry(左)同繼文(右)所有回合未輸過,最後畀人Foul。
Jerry(左)同繼文(右)所有回合未輸過,最後畀人Foul。
MIRROR都有份玩《造星II》,被批對其他參賽者唔公平。
MIRROR都有份玩《造星II》,被批對其他參賽者唔公平。


Jerry同繼文是楊樂文(Lokman)、王智德(Alton)及何啟華(Dee)的好友。兩人都曾經幻想,如果有玩《造星I》可能已經彈出咗。繼文冇打算做幕前,又怕上節目會被人評頭品足,所以冇報名第一季。但Jerry原來都有玩《造星I》:「我面完試花姐話畀我入圍,但我去咗做HotCha演唱會。係可惜嘅,亦好後悔,坦白講我跳舞識嘅都入晒MIRROR同ERROR,盧瀚霆(Anson Lo)同江𤒹生(AK),我睇住佢哋大。」好友有好成績佢都開心,但更想自己都有好成績。

二人曾拍片分享被Foul感想。
二人曾拍片分享被Foul感想。
Jerry認為每季《造星》評分準則都有唔公平。
Jerry認為每季《造星》評分準則都有唔公平。


繼文冇輸過但被Foul

兩人喺《造星II》50強分組賽中,是A組唯一勝出嘅組別,最後同組只得楊樂文(Lokman)同方震揚(Rain P)有得留低。繼文坦言有啲嬲:「我由第一回合到最後回合『隨意門』都冇輸過,冇去過復活區,最後Foul咗我。」Jerry都有同感:「我哋表演自己諗,人哋就有排舞師諗,最後結果係我同繼文輸,我咪嬲囉!我唔係嬲人哋有人幫,我嬲自己全心全意諗個表演,最後表演好睇,但自己唔夠耀眼。」

節目監製黃慧君(花姐)以難單飛作淘汰Jerry同繼文嘅原因,Jerry難以認同:「如果佢哋畀我好似《造星III》咁帶Dancer比賽,我唔覺得我單飛唔到囉!同埋2019年MIRROR有邊個單飛到?我唔係嬲佢咁講,其實佢都係搵個原因Foul我哋。」兩人冇怪節目組,明白自己實力唔夠,繼文說:「實力不足以令佢哋服我,畀我入圍,參加時機又唔啱,我唔會將所有問題怪晒人嘅,惟有靠自己努力。」

起初繼文覺得《造星》好似《殘酷一叮》,因為怕畀人笑而冇玩第一季。
起初繼文覺得《造星》好似《殘酷一叮》,因為怕畀人笑而冇玩第一季。
二人係Retroll Hip Hop成員。
二人係Retroll Hip Hop成員。
花姐以難單飛為理由將繼文同Jerry淘汰。
花姐以難單飛為理由將繼文同Jerry淘汰。
火火(右一)同花姐(右二)質疑繼文同Jerry難走偶像路線。
火火(右一)同花姐(右二)質疑繼文同Jerry難走偶像路線。
當日A1組雖然勝出分組賽,但就有一半人被Foul。
當日A1組雖然勝出分組賽,但就有一半人被Foul。
其他文章
hd