首頁 即時娛樂

頭條獨家丨曾志偉誓將TVB山頭夾埋變堡壘 仔女勸唔好做 節目唔可以教壞細路

22/10/2021 01:16:00
曾志偉不理子女反對落力付出,誓將TVB山頭夾埋變堡壘。
曾志偉不理子女反對落力付出,誓將TVB山頭夾埋變堡壘。

68歲的曾志偉在TVB短短8個月由副總理升至總經理,掌管晒所有節目內容,絕對是TVB史無前例升得最快的總經理。曾生坦言呢份工較想像中更加辛苦,但就愈戰愈勇,除咗希望做好節目令到無線呢隻巨輪順利向前航行外,他還有個特別任務,就係攻破TVB由來已久的「山頭主義」文化,曾總經理好有信心地說:「我準備將咁多個山頭變成一個大堡壘,希望將TVB全民皆兵,齊心事成。我喺呢個行業做開和事老,應該冇問題。」採訪:方騫平 攝影:葉君海、譚壹致

行政人員 曾志偉本身諗住主攻節目創作,點知卻變身行政人員,成日要去開會。
行政人員 曾志偉本身諗住主攻節目創作,點知卻變身行政人員,成日要去開會。
有滿足感
成功力捧咗一班《聲夢傳奇》新星,志偉好有滿足感。
有滿足感 成功力捧咗一班《聲夢傳奇》新星,志偉好有滿足感。

升得快的曾志偉謙稱自己唔係叻,而係王祖藍及團隊嘅功勞,強調一個人做唔到咁多嘢:「其實我哋試咗好多節目,由收視反映到觀眾對節目嘅喜好,《聲夢傳奇》、《日日媽媽聲》、《好聲好戲》係受歡迎,但好似《盛舞者》、《死因有可疑》冇咁多人鍾意,但唔係做錯咗,只不過擺唔啱時段同埋平台,應該將啲專題性節目放喺J2度,以前我認識TVB只有翡翠、明珠雙輝映,𠵱家由81至85頻道,加埋myTV SUPER、OTT等,將唔同嘢畀唔同嘅觀眾睇,因為平台分散咗收視自然較以前流失,但觀眾係冇少到嘅,只係去咗唔同嘅平台收睇。」

重點培訓高學歷年輕人
對於變身電視台高層,曾生提到最大挫敗感係時間太少,工作太多,每日要同時間競賽,而且電視台流失太多人才,入行嘅人又唔多,要花好多時間重新培育人才:「所以返到嚟要發起全民皆兵運動,由所有創作人員提供三個節目題材,圍繞住香港及TVB需要乜節目、又有乜節目係最想做,最後喺80幾個節目動議度揀咗三個,除咗之前製作嘅『九大綜藝』外,原來年輕觀眾都鍾意睇打麻將節目,所以嗱嗱聲製作《麻將三缺一》,由藝人打廣東牌。」曾生又說目前製作節目有三大宗旨,「娛樂性、正能量及正面訊息,因為我哋係免費平台,提供正確資訊好重要,而且要持平;製作啲正能量節目令觀眾睇得興奮,又唔會教壞細路,朝住呢個目標製作節目就做乜都得。」另方面,又會好似新加坡政府咁,培訓一啲高學歷年輕人,從中再發掘寶藏。」

反轉作息 志偉𠵱家反轉晒以往作息時間,放公眾假期好唔習慣。
反轉作息 志偉𠵱家反轉晒以往作息時間,放公眾假期好唔習慣。
兒子反對
曾國祥反對爸爸曾志偉忙到冇咗個家庭,日日提示爸爸要好好享清福。
兒子反對 曾國祥反對爸爸曾志偉忙到冇咗個家庭,日日提示爸爸要好好享清福。

仔女追問幾時肯享清福
除咗瞓覺,曾生坦言日日做到冇停手,亦試過做到病,所以仔女一日同佢講足10幾次,好肉赤咁追問他幾時先肯享福,為乜做得咁辛苦?曾生笑說:「人最緊要交待自己,返嚟目的係為乜,我係想TVB隻巨輪一路向前行,行得舒服同順利啲,做到嘅話就係我上岸嘅時候。」當問到有否合適接班人?他坦言搞行政的未搵到,但創作上有C君同王祖藍:「當日方逸華都係由歌星做到變老闆。」除此之外,志偉坦言另一個任務係攻破TVB嘅山頭主義:「我希望TVB團結成為一家人,我Day 1返嚟就做緊呢件事,𠵱家情況絕對有好轉,其實唔難搞,大家嚟6樓餐廳茶座搵我傾吓偈,我會親自沖茶請佢哋食件餅,飲杯茶食個包慢慢會溝通到。𠵱家電視行業係時候打吓仗,咁樣團隊會更加有士氣。」

最後記者追問志偉𠵱家最想做乜?他諗咗陣說:「盡快搞得掂佢可以功成身退。」雖然他不設時間表,唔想將自己push得咁緊,但希望一年內完成,更指自己目前愈戰愈勇。

應放J2台 曾志偉賽後檢討,覺得《盛舞者》較啱年青人口味,應該放喺J2平台。
應放J2台 曾志偉賽後檢討,覺得《盛舞者》較啱年青人口味,應該放喺J2平台。
有望升呢
曾志偉睇好好有創意嘅C君,有潛質升任做電視台管理階層。
有望升呢 曾志偉睇好好有創意嘅C君,有潛質升任做電視台管理階層。
分身不睱 曾志偉好忙,接受本報訪問期間都要秒覆主席許濤訊息。
分身不睱 曾志偉好忙,接受本報訪問期間都要秒覆主席許濤訊息。
放錯平台
《死因有可疑》收視麻麻,志偉解釋只係放錯平台,搵唔到啱嘅觀眾對象。
07
放錯平台 《死因有可疑》收視麻麻,志偉解釋只係放錯平台,搵唔到啱嘅觀眾對象。 07
發掘才華 《好聲好戲》好受歡迎,仲發掘咗唔少藝人嘅隱藏才華。
發掘才華 《好聲好戲》好受歡迎,仲發掘咗唔少藝人嘅隱藏才華。
分工合作
曾志偉及王祖藍分工合作搞好TVB,𠵱家祖藍負責節目創作,曾志偉做行政。
分工合作 曾志偉及王祖藍分工合作搞好TVB,𠵱家祖藍負責節目創作,曾志偉做行政。
山頭文化 汪明荃曾痛批TVB嘅山頭文化。
山頭文化 汪明荃曾痛批TVB嘅山頭文化。
其他文章
hd