?>
首頁 即時娛樂

陳柏宇為紅館個唱搞到七孔流血 呼籲粉絲睇騷前背熟歌詞

24/10/2021 23:00:00
Jason練聲搞到七孔流血!
Jason練聲搞到七孔流血!

陳柏宇(Jason)將於12月10日至11日舉行《陳柏宇Fight For _ _ _ Live in Hong Kong Coliseum》,Jason已密鑼緊鼓籌備個唱,目前他最著緊的還是曾經受損的聲帶。曾兩度聲帶受損而影響演唱工作的Jason,坦言或多或少有陰影,所以現在每日學唱歌都會監察聲帶狀態,好好保護聲帶之餘,更想追求變化,他說:「唱歌係無止境,好希望幾年後可以令自己更容易處理要唱嘅歌,因為自己啲歌比較難唱,亦希望聲線上有變化,man啲,可以駕馭每一首歌。我覺得聲線是應該同人成長一樣,隨年紀有不同變化。」練聲以外,Jason透露背歌詞反而是一大難題,他往往是用最多時間去準備,不過Jason承諾會背好歌詞的同時,他都呼籲粉絲今次來看演唱會時記得背熟歌詞,到時就可以跟他一起大合唱。

落手落腳為演唱會拍攝宣傳片。
落手落腳為演唱會拍攝宣傳片。
個唱海報在明天(25日)優先發售前出街。
個唱海報在明天(25日)優先發售前出街。



Jason上次在紅館開個唱赤膊兼大Show麒麟臂,今次粉絲們自然期待可以再有機會見到,不過Jason卻大賣關子,但卻坦言只要不用工作,他都會去做Gym,心態輕鬆:「今次演唱會最追求唔係呢方面,但運動的確對自己體能同心態有益,所以有時間就會做Gym,而節食係想健康,因為為演唱會準備會多咗時間出面食飯,相對食嘅嘢會無咁健康。」

Jason早前趁空檔也特地去打卡留念。
Jason早前趁空檔也特地去打卡留念。
現場的工作人員看到Jason加工妝容後,笑言都有點嚇人!
現場的工作人員看到Jason加工妝容後,笑言都有點嚇人!



今次Jason亦落手落腳為演唱會拍攝宣傳片,由構思、演出、導演、剪接全部一腳踢:「一直都好想拍自己喜歡嘅內容,又鍾情拍搞笑嘢,所以用咗今次準備紅館演唱會嘅幾個重要環節,拍咗幾條主題短片。」繼早前推出了拉筋篇及背歌詞篇後,Jason今晚(24日)又會推出「練聲篇」,片中見到他練到七孔流血,原來在鏡頭背後,Jason用了紅色眼藥水加工,現場的工作人員看到他的加工妝容後,笑言都有點嚇人,但仍力保靚仔容貌。另一方面,唱片公司亦在港九各地為個唱進行宣傳造勢,Jason早前趁空檔也特地去打卡留念並說:「呢個個唱海報喺聽日(25日)嘅優先發售前出街,除咗為咗宣傳外,當中嘅宣傳句語『你為了甚麼而奮鬥?』亦想激勵大家繼續為自己嘅目標而奮鬥,喺鬧市中為大家帶嚟力量!」

上次開騷Jason有騷肌,不過今次就要先賣關子。
上次開騷Jason有騷肌,不過今次就要先賣關子。
其他文章
hd