首頁 即時娛樂

李樂詩任Joe Junior個唱嘉賓獲掌聲支持 48歲生日只望身體健康

26/10/2021 12:30:00
今日係李樂詩48歲牛一,生日前夕她復工為Joe Junior個唱擔任表演嘉賓。
今日係李樂詩48歲牛一,生日前夕她復工為Joe Junior個唱擔任表演嘉賓。

今日48歲生日嘅李樂詩(Joyce),今年8月證實患上家族遺傳病乳癌,兩邊乳房都發現了5粒初期癌細胞,並於醫生建議下緊急入院開刀保命,接受咗8小時手術切除兩邊乳房,由於傷口好大,未能即時植入義乳,不過,Joyce身心已慢慢康復,昨晚(25日)大病初癒復工,到沙田大會堂為Joe Junior舉行嘅《POP LEGEND JOE JUNIOR IN CONCERT》出任嘉賓,演繹3首歌曲時聲音嘹亮,狀態大勇,贏得全場觀眾掌聲,令她相當感動。

Joe Junior介紹Joyce出場時,全場掌聲雷動。
Joe Junior介紹Joyce出場時,全場掌聲雷動。
Joyce病後復工,老公(左)緊張地跟到實,喺後台時跟環星娛樂老闆張國林合照。
Joyce病後復工,老公(左)緊張地跟到實,喺後台時跟環星娛樂老闆張國林合照。



老闆送蛋糕賀壽
Joyce喺生日前夕復工,下午先去會場「踩台」,見她身穿黑色恤衫加外套,已卸下用來「遮護」胸前的頸巾,笑容滿面,心情大靚。期間Joe哥及環星娛樂老闆張國林送上蛋糕為她預祝慶生,Joyce生日願望,祝大家都身體健康。

身穿黑色恤衫加外套嘅Joyce現身綵排時,已卸下用來「遮護」胸前的頸巾,笑容滿面。
身穿黑色恤衫加外套嘅Joyce現身綵排時,已卸下用來「遮護」胸前的頸巾,笑容滿面。
48歲李樂詩生日願望好簡單,只望身體健康。
48歲李樂詩生日願望好簡單,只望身體健康。



掌聲雷動好感動
對於病後復工,老公緊張相伴,從旁支持。當晚Joyce悉心打扮揀選咗一套白米色長袖連身裙現身,靚文大方,喺內衣嘅襯托下填補咗身體缺失。當Joe Junior介紹Joyce出場時,全場已掌聲雷動,Joyce每首優美嘅歌聲都贏嚟全場掌聲,搞到Joyce返入後台時心情仍未平伏,興奮到不得了說:「反應好好,真係好感動呀!」另外,完場時歌迷兩度encore也不肯離場,Joe哥見盛情難卻,再次出場演唱了首本名曲《here's a heart》嚟答謝觀眾。

工作人員送上蛋糕祝賀壽星女。
工作人員送上蛋糕祝賀壽星女。
完場時歌迷兩度encore也不肯離場,Joe哥再度出場唱歌答謝。
完場時歌迷兩度encore也不肯離場,Joe哥再度出場唱歌答謝。
昨晚座無虛席,Joe哥好受歡迎。
昨晚座無虛席,Joe哥好受歡迎。
蘇姍都係今次Joe哥個唱表演嘉賓之一。
蘇姍都係今次Joe哥個唱表演嘉賓之一。
眼見觀眾咁好反應令Joyce相當感動。
眼見觀眾咁好反應令Joyce相當感動。
Joyce日前現身綵排時用頸巾「遮護」胸前。
Joyce日前現身綵排時用頸巾「遮護」胸前。
其他文章
hd