首頁 即時娛樂

馮允謙與Asha首度合作又攬又錫:佢好Sweet又無包袱

26/10/2021 18:00:00
Jay話可能同Asha都係ABC,好順利好愉快。
Jay話可能同Asha都係ABC,好順利好愉快。

馮允謙(Jay)的吸血鬼愛情系列《一步一悔過》的MV終於曝光,在今次MV故事中,飾演吸血鬼的Jay不忍重傷的人類徐㴓喬(Asha)奄奄一息,讓她變成吸血鬼延續生命,後來兩人相愛,大樹下的鞦韆、躺在水果鮮花的野餐布置的地上卿卿我我,在世外桃源過著幸福快樂日子。不過Asha拒絕以鮮血續命,Jay眼見愛人步近死亡,他非常心痛和悔疚,最後,樹林中傳來一聲槍響「嘭」,Jay抱著滿身鮮血的Asha仰天吶喊。

好淒美。
好淒美。
Jay抱著滿身鮮血的Asha仰天吶喊。
Jay抱著滿身鮮血的Asha仰天吶喊。


今次Jay包辦新歌《一步一悔過》曲、詞、編,他透露demo歌名《Sorry》,旋律是幾年前與女友吵架後寫,他說:「當時我嘅事業靜咗落嚟,進入咗低潮期,個人好燥又固執,嗌完交唔肯say sorry。之後對自己好失望,好內疚,於是寫咗呢首《Sorry》,歌詞係講『遺憾』,我哋成長中會錯失咗補救嘅機會,返唔到轉頭,錯過咗就係錯過咗,所以要好好珍惜。」

鏡頭後就一啲都唔浪漫。
鏡頭後就一啲都唔浪漫。
拍攝當日,Jay連續開工48小時,為保持清醒和去水腫,提早凌晨3點去跑步。
拍攝當日,Jay連續開工48小時,為保持清醒和去水腫,提早凌晨3點去跑步。


拍攝當日,Jay自爆已連續開工48小時,為保持清醒和去水腫,提早於凌晨3時去跑步,他說:「噚日全天拍廣告,今朝4點集合出發拍MV,我提早3點去跑7公里,去水腫。到依家已經48小時無瞓覺,有少少攰,但好多同事陪我開工,團隊合作好開心!」與Asha首次合作就又攬又抱,他說:「同Asha之前喺event見過一次,第二次見就要好親密咁攬住,佢好Sweet又無包袱,可能我哋都係ABC,好順利好愉快,但如果拍錫戲就會好驚。」爽朗的Asha拍拍他膊頭,笑說:「到依家拍咗8個鐘,我哋Friend咗㗎啦!其實今次係我第一次(拍MV),雖然演吸血鬼,但一啲都唔恐怖,衫和風景都好靚,感覺好淒美。」

其他文章
hd