首頁 即時娛樂

沈殷怡上山搵蟲冇有怕 輕鬆攬巨蛇巨龜作熱身

27/10/2021 08:00:00
沈殷怡對於有份拍《蟲前有10個女仔》十分雀躍。
沈殷怡對於有份拍《蟲前有10個女仔》十分雀躍。

沈殷怡(Shirley)在ViuTV全新節目《蟲前有10個女仔》中,跟隨生態攝影師黃遂心及郭子祈到郊外認識不同生態區的生物。Shirley一向出名大膽,不怕蛇蟲鼠蟻,上山前她還特別去了爬蟲店作熱身運動,Shirley對是次拍攝表現得非常雀躍:「終於輪到我啦,因為我知道公司開呢個節目,會搵到好多蛇蟲鼠蟻,簡直係令我最興奮嗰範。」

抱蛇對Shirley冇難度。
抱蛇對Shirley冇難度。
上山前先去爬蟲店熱身。
上山前先去爬蟲店熱身。



在爬蟲店內Shirley即席上演一齣「美女與爬蟲」,完全無懼的她抱起一條又肥又大的球蟒,她表示:「因為細佬之前喺屋企都養過蛇,所以我都有同蛇接觸過,唔會驚,同埋我覺得蛇係好靚嘅動物。之前我都有誤會過佢哋,以為佢哋不停咁伸條脷出嚟,係想襲擊我,但其實佢哋只不過係想試探下個環境,其實佢哋唔係想像中咁恐怖嘅動物。」Shirley還不停大讚條蛇得意,其後她更與鬣蜥、盾臂龜等生物來個親密接觸,果然不是浪得虛名。

Shirley跟巨型盾臂龜合照。
Shirley跟巨型盾臂龜合照。
跟生態攝影師上山找生物。
跟生態攝影師上山找生物。

親眼見到野生蜥蝪。
親眼見到野生蜥蝪。
其他文章
hd