首頁 即時娛樂

頭條獨家丨Retroll搵Mike導拍MV 繼文Jerry轉行幫補做音樂

28/10/2021 18:30:00
Retroll出新碟《新L品》。
Retroll出新碟《新L品》。

上集梁繼文(繼文、Kaiman Smith@Retroll)同潘俊維(Jerry、JWeezy@Retroll)分享咗參加《全民造星II》嘅感受,今次就講吓近況,特別係所屬組合Retroll的新專輯《新L品》,仲講吓搵ViuTV綜藝節目編導、「無制限OT編集団」主腦,有「格仔導演」之稱的劉諾衡(Mike導)同方震揚(Rain P)拍新歌MV嘅原因。另外已移民英國、《全民造星II》30強止步嘅莊駿源(Angus、Angus the Beef@Retroll)都有分享近況。撰文:秦詠姿  攝影:葉君海

繼文同Jerry分享近況。
繼文同Jerry分享近況。
原來Jerry參加完《全民造星II》之後,做咗半年全職地產。
原來Jerry參加完《全民造星II》之後,做咗半年全職地產。


轉行幫補Retroll做音樂

Jerry同繼文本身都係Dancer出身,不過受疫情影響,冇得去外地做巡迴演唱會。Jerry就索性轉行做咗半年全職地產,仲分享畀人認出嘅經歷:「啱啱返工就畀同事認到,但我即刻叫佢哋唔好張揚,因為本身好似喺幕前表演好威,坦白講個心都有啲唔舒服。」不過佢就遇到位有心客人,鼓勵佢唔好放棄夢想,令佢好感動呀!

繼文開班教跳舞之餘,就繼續經營個人YouTube頻道,間中仲接到啲贊助,幫補到Retroll做音樂。講到新碟《新L品》,其實係想食「Album」嘅讀音,繼文話:「呢一年我哋都全力製作呢隻專輯,因為參加完《全民造星II》之後,Retroll都冇發表過任何作品,由於我哋學習中,所有範疇都係自己研究同製作。」

繼文努力教跳舞。
繼文努力教跳舞。
做開Dancer嘅繼文,曾經為唔少巨星伴舞。
做開Dancer嘅繼文,曾經為唔少巨星伴舞。


新歌搵Mike導Rain P拍MV

出新碟當然都要拍吓MV,新歌《舔深啲》找來Mike導同Rain P等人幫手拍攝。Jerry表示:「我哋唔係好擅長,覺得交畀專業人士諗會好睇啲。」兩人坦言唔識Mike導,但Jerry跟Rain P於參加《造星II》之前就認識。Jerry:「因為Rain P好多年前都做過Dancer,同埋佢都係TVB出身,有時我去TVB做嘢咪識到佢囉!」

與Angus跨國度繼續做音樂

Angus大約三個月前移民到英國倫敦,佢百忙中接受本報電話訪問:「呢兩年因為遇上疫情令人好迷惘,我覺得係時候畀自己重新搵一樣新嘢,所以嚟到英國讀音樂,好幸運有大學收我。」其實Angus喺Retroll製作音樂上,幫到好大忙,Retroll其他成員未來將以遙距方式同Angus繼續做音樂,同時維繫感情。Jerry說:「我都期望唔使靠晒Angus,我哋搞得掂。」

做其他嘢都係想幫補Retroll做音樂。
做其他嘢都係想幫補Retroll做音樂。
新歌《舔深啲》搵咗Mike導拍MV。
新歌《舔深啲》搵咗Mike導拍MV。
Rain P都有幫手拍。
Rain P都有幫手拍。
早排Angus移英,Retroll成員去送機。
早排Angus移英,Retroll成員去送機。
Angus而家喺英國修讀電子音樂製作。
Angus而家喺英國修讀電子音樂製作。
繼文同Jerry參加《全民造星II》被淘汰好大感受。
繼文同Jerry參加《全民造星II》被淘汰好大感受。
其他文章
hd