首頁 即時娛樂

試當真開騷丨古天樂現身客串掀高潮 高唱《Black Mirror》向MIRROR挑機

27/10/2021 11:05:00
昨晚《試當真》開騷,古天樂及Dear Jane等出任嘉賓。
昨晚《試當真》開騷,古天樂及Dear Jane等出任嘉賓。

游學修、許賢、蘇致豪、岑珈其、陳苡臻、陳穎欣(Yanny)及林家熙(Locker)等,昨晚在九展舉行首場《試當真一週年現場版》,謝安琪、袁澧林及導演黃修平等人前來捧場,而樂隊Dear Jane及ToNick則擔任演出嘉賓,另外,全晚高潮當然是古天樂上台客串演出。

古仔驚喜現身扮見工。
古仔驚喜現身扮見工。
四人一同搞笑,掀全晚高潮。
四人一同搞笑,掀全晚高潮。



游學修請來老闆古天樂上台一同扮鬼扮馬,古仔扮演見工者,游學修自爆稱呼前輩古天樂為古仔,似乎不太合適:「聽聞好多稱呼你都唔鍾意,所以我從來冇叫過你,你有冇發現?我從來冇稱呼你,應該點稱呼你呢先生?」古仔笑說:「我知你從來都冇稱呼過我,我覺得你個人好冇禮貌。」游學修隨即問:「你講,咁我以後都咁叫你。」古仔謙稱:「叫我古仔得喇!」然後他反而稱呼游學修、蘇致豪和許賢做「修哥」、「豪哥」及「賢哥」,全場爆笑。游學修又問古仔最欣賞《試當真》那位女成員?古仔即說:「梗係Locker條女(吳家忻),因為佢條片直到今日仍係最多人睇。」之後古仔更配合他們合作即場配音,雖然有些「甩嘴」,不過也成功過關。最後游學修透露有次古仔致電給他問:「你係咪偷錄我把聲?」古仔即說:「我都以為嗰把聲係我。」

游學修(中)跟Dear Jane合唱。
游學修(中)跟Dear Jane合唱。
豪哥及許賢又跟ToNick合唱。
豪哥及許賢又跟ToNick合唱。



另外,許賢和蘇致豪又惡搞人氣男團MIRROR,唱盡他們近日的人氣現象,兩人談及樂壇「我最喜愛組合」時,以「咩話」代替「MIRROR 」,更揚言要即場向「咩話」宣戰,並唱出一曲《Black Mirror》,挑機味甚濃。受訪時問到怕不怕被「鏡粉」攻擊? 蘇致豪即扮驚驚說:「嗰個唔係我,首歌好似好大火藥味,其實都只係玩啫。」游學修又笑指大家認錯人,台上的兩人只是演出嘉賓。真的不怕「鏡粉」?游學修謂:「我哋做過好多恐怖嘢,都係時候搵啲新嘅恐怖嘢做吓!」

12位穿黑西裝的舞蹈員扮MIRROR。
12位穿黑西裝的舞蹈員扮MIRROR。
許賢和蘇致豪唱出《黑鏡》向MIRROR挑機。
許賢和蘇致豪唱出《黑鏡》向MIRROR挑機。
謝安琪及張繼聰拍片支持。
謝安琪及張繼聰拍片支持。
還有ERROR的何啟華。
還有ERROR的何啟華。
謝安琪(箭嘴指)親身到場睇騷。
謝安琪(箭嘴指)親身到場睇騷。
《試當真》眾成員感謝觀眾支持。
《試當真》眾成員感謝觀眾支持。
指唱出《Black Mirror》只是開玩笑。
指唱出《Black Mirror》只是開玩笑。
其他文章
hd