首頁 即時娛樂

頭條獨家丨導演黃國輝讚廖啟智加持生色 《一級指控》編劇鮑偉聰呻搵料難

27/10/2021 23:45:00
同樣出身電視圈的黃國輝和鮑偉聰,近年轉投電影圈發展。
同樣出身電視圈的黃國輝和鮑偉聰,近年轉投電影圈發展。

由黃國輝執導、鮑偉聰編劇的電影《一級指控》,以一單富豪女兒命案,探討法律之下,何謂公義。法律題材難寫,鮑偉聰花了大量時間搜集資料,令故事更扎實。講到電影是廖啟智遺作之一,黃國輝坦言感到遺憾,又大讚電影有他加持生色不少,相信對方會一齊睇首映。撰文:杜淑霞 攝影:葉君海

黃國輝認為有智叔同Ken哥參演,對電影幫助很大。
黃國輝認為有智叔同Ken哥參演,對電影幫助很大。
戲中智叔飾演城中富豪,以沉鬱內歛態度演繹多場內心戲。
戲中智叔飾演城中富豪,以沉鬱內歛態度演繹多場內心戲。



鮑偉聰以往都有拍法律戲經驗,已習慣花很長時間做資料搜集,「我親自約啲大律師見面,同埋上佢哋office去感受佢哋環境同氣氛,劇情案件裏面嘅細節程序,都不時諮詢佢哋,比起其他戲嘅資料搜集都算多,起碼親自去搵大律師同佢哋溝通,人哋啲時間好寶貴,錢嚟㗎嘛!使啲人情,所以都算花功夫。」


政府助推動業界

提到已離世的智叔有份參與演出,黃國輝坦承有對方加持對電影有很大幫助,「智叔同Ken哥(曾江)呢啲演員,絕對幫到導演幫到套戲,佢哋有好好嘅想法同埋角度去睇,令到件事更加事半功倍。」對於電影因疫情推遲上映日期,令電影成為智叔遺作之一,黃國輝也感到很遺憾,「我哋失去咗智叔咁好嘅演員,而家上畫,我深信首映佢會陪我哋一齊睇,希望智叔都滿意。」

黃國輝搵方中信演亦正亦邪大律師「雷有輝」,相信觀眾會見到另一個方中信。
黃國輝搵方中信演亦正亦邪大律師「雷有輝」,相信觀眾會見到另一個方中信。
戲內方中信和陳家樂飾演的律師,面對法律抱住不同信念。
戲內方中信和陳家樂飾演的律師,面對法律抱住不同信念。



談到《行政長官2021年施政報告》提出設立「文化體育及旅遊局」,有助推動創意產業發展,黃國輝和鮑偉聰認為絕對是好事。黃國輝說:「政府提供多啲協助絕對好事,拍攝需要好多人幫手,多啲人去推動,譬如申請地方拍攝或者一啲安排,最簡單街道封街,佢哋可以再多啲放寬或者協助。」鮑偉聰就提議仿傚其他國家城巿做法,「大陸都有,譬如某啲城巿鼓勵創意產業,註冊嘅影視公司可以免稅幾年或者低稅務,因為而家最欠係投資,如果能夠寬免到呢方面,甚至個誘因再大啲,鼓勵更多唔係做呢行嘅資金或者投資者,吸納呢啲資金去呢個圈,先至會更多作品,唔使喺庫房度攞錢出嚟,用一啲寬減措施就得。」

其他文章
hd