首頁 即時娛樂

蔡雪瑩認家長之間比較在所難免 緊張小孩品德多過功課

05/11/2021 21:00:00
蔡雪瑩的子女在港九兩邊返學,每朝與老公一人湊一個。
蔡雪瑩的子女在港九兩邊返學,每朝與老公一人湊一個。

前新聞之花蔡雪瑩(Snowy)昨晚(4日)接受黃婉曼(Icy)「安品·生活」直播訪問,Snowy的5歲多長子明年將升讀小一,Icy請她在節目內分享小孩面試學校攻略,她提供了不少實用貼士。Snowy建議不妨為幼兒多報幾間學校:「等佢哋多啲面試經驗。」面試前一晚要早睡,以免小朋友不夠瞓發脾氣。
Snowy平日除親力親為照顧一對子女外,還會兼顧自己生意,時間分配得恰到好處,雖然子女分別在港九兩邊返學,兩夫妻分工合作一人湊一個,網民即大讚其夫是「神隊友」。Snowy會趁送孩子返學途中多溝通,促進彼此感情,對增加子女自信心也有幫助。

黃婉曼邀請蔡雪瑩(右)做嘉賓。
黃婉曼邀請蔡雪瑩(右)做嘉賓。
網民讚Snowy老公是「神隊友」。
網民讚Snowy老公是「神隊友」。



Icy笑問Snowy可是「虎媽」?她說:「咁樣問,通常會答唔係。虎媽係會對子女好高要求,做唔到都迫佢哋做。」Icy謂有時可能家長之間比較所致,Snowy答:「呢啲係必經階段,但我都過咗,總會有家長對小朋友更加多要求,不過我緊張佢哋品德多過功課。」Snowy表示當發現子女學習到不好的行為,會立即糾正:「我好少畀小朋友壓力,係都只會畀番自己。」
Snowy教導孩子,主張多欣賞他們的優點,多過放大他們的缺點:「我亦會教佢哋有同理心,而唔係乜都say no。」Icy非常認同。Snowy對子女也不會偏心,奬罰分明,當子女嗌交時,她說:「我通常唔會介入,等佢哋自己解決,除非有一方喊住同我講。」

Snowy(右)分享小朋友面試學校攻略。
Snowy(右)分享小朋友面試學校攻略。
Snowy唔認虎媽,稱緊張小朋友品德多過功課。
Snowy唔認虎媽,稱緊張小朋友品德多過功課。

Snowy育有一子一女,擁美滿家庭。
Snowy育有一子一女,擁美滿家庭。
其他文章
hd