?>
首頁 即時娛樂

頭條獨家│談善言有同性老友好想成日見 楊偲泳初中曾收女同學玫瑰花

24/11/2021 19:30:00
阿談同Renci喺《喜歡妳是妳》由18歲演到30歲。
阿談同Renci喺《喜歡妳是妳》由18歲演到30歲。

談善言(阿談)與楊偲泳(Renci)主演的同性題材電影《喜歡妳是妳》以學生戀情為賣點,由18歲演到30歲,兩人唔當係同性戀電影,純粹演一部愛情片。由於飾演的角色面對出櫃冇經歷好大掙扎,加上演中學生,她們認為只分到喜不喜歡,而唔係要摸清性取向。加上呢個世代,已經無需將性向放大討論,重點是愛。採訪:秦詠姿 攝影:譚壹致 Makeup:German Cheung 、carmencmakeup Hair:Larry Ho@Aveda IL COLPO、nickienick Wardrobe:Weekend Max Mara、Polo Ralph Lauren

《喜歡妳是妳》楊潮凱都有份執導。
《喜歡妳是妳》楊潮凱都有份執導。
阿談同Renci主演的《喜歡妳是妳》以同性戀為題材。
阿談同Renci主演的《喜歡妳是妳》以同性戀為題材。



阿談喺戲中與Renci及陳健朗有親熱戲,阿談表示冇尷尬:「同女仔拍好過同男仔拍,好舒服,大家又比較溫柔。」而Renci都認同:「因為大家熟絡咗,變相冇咁多避忌。」二人於戲中飾演同性戀者,問到怕唔怕被保守觀眾抨擊?Renci高EQ回應:「拍任何題材都會遇到唔同類型嘅抨擊。我冇太大擔心,有人唔喜歡,都一定有人喜歡,注重喜歡我哋電影嘅觀眾就得。」阿談則坦言有擔心,但覺得唔應該因為怕受抨擊,而避開演出某些題材的作品。

呢場結婚戲,Renci同阿談演出劇本冇寫嘅情緒,令佢哋好難忘。
呢場結婚戲,Renci同阿談演出劇本冇寫嘅情緒,令佢哋好難忘。
阿談喺戲中同陳健朗有親熱戲。
阿談喺戲中同陳健朗有親熱戲。



有親密同性老友

《喜歡妳是妳》講述兩女角中學時的感情經歷,原來Renci初中時都曾被同性追求:「有個女仔情人節送玫瑰花畀我,我當下反應純粹係覺得有花收好開心,佢送完花就走咗又冇表白,但大個咗就估到,佢一定有個意思先會喺情人節送花。」而她亦冇明確拒絕對方,後來更成為好朋友。而外型較為中性的阿談,亦分享讀書時有好親密嘅同性朋友,但冇界定係友情定愛情:「一路都唔覺得要區分同性戀同異性戀,純粹係呢個朋友好熟,好想成日同佢一齊,或者你唔鍾意佢同其他人一齊。」而呢種係咩感覺,阿談冇再深究。

阿談覺得同女仔拍親熱戲舒服過同男仔拍。
阿談覺得同女仔拍親熱戲舒服過同男仔拍。
女女浪漫熱吻。
女女浪漫熱吻。
阿談分享佢都曾經有啲親密同性老友,佢冇深究係愛情定友情。
阿談分享佢都曾經有啲親密同性老友,佢冇深究係愛情定友情。
Renci初中曾被同性朋友追求。
Renci初中曾被同性朋友追求。
其他文章
hd