?>
首頁 即時娛樂

頭條獨家│KB瓣數多嘆Tea忙度橋 搞鬼性格惹女友人笑唔停

30/11/2021 23:30:00
KB日前同朋友一齊食Tea。
KB日前同朋友一齊食Tea。

李健宏(KB、Kevinboy)可以話百足咁多爪,除咗夾Band做鼓手呢樣正職,平時仲有做吓節目主持,又有做經理人,仲要經營YouTube頻道《KidneyBuster》。而YouTube頻道相信係最晒佢腦力嘅業務,事關佢呢個頻道有好多不同題材影片,最受歡迎嘅一定係「情義兩難全之玩爆你個腎」系列。日前本報見到佢同一名相信係同事嘅女子喺天后食Tea,佢都好似好多嘢諗咁,唔知係咪諗緊下次整蠱邊位藝人呢?採訪:梁志明

食Tea全程都冇乜交流。
食Tea全程都冇乜交流。
KB成日摸眼耳口鼻,記得要清潔雙手呀!
KB成日摸眼耳口鼻,記得要清潔雙手呀!



KB日前晏晝3點左右,同一名女子喺天后一間食燒鵝嘅食店嘆下午茶。二人用餐時全程都冇乜交流,各自睇手機,女方直情戴埋耳機似係睇緊戲,如果唔係一齊落單,真係以為佢哋搭枱。而KB就好似好多嘢諗咁,個樣有啲苦惱。隻手就摸完下巴又摸額頭再摸眼,仲要摸埋個鼻,疫情期間,希望佢有消毒乾淨對手先咁做啦!

埋單走人。
埋單走人。
陪朋友食埋支煙先。
陪朋友食埋支煙先。



後巷陪食煙吹水

KB與同行女子食完嘢就埋單走人,女方仲將收銀員工找嘅錢,遞返畀KB,相信係由KB請客。而KB一食飽就好似叉咗電咁,係咁同個女仔傾偈。二人喺後巷坐低傾多幾句,個女仔就順便食支煙,KB就似乎有啲眼乾要滴吓眼藥水。其間KB唔知講咗啲咩,搞到個女仔笑到打佢,睇嚟KB真係好幽默噃!大概5分鐘後,佢哋就各自離開。

唔知KB講咩,引到朋友哈哈笑。
唔知KB講咩,引到朋友哈哈笑。
KB係著名鼓手。
KB係著名鼓手。
近年仲做埋電視節目主持,好多搞作。
近年仲做埋電視節目主持,好多搞作。
經營YT頻道都好成功。
經營YT頻道都好成功。
而家參加緊《造星IV》嘅東東就係佢旗下藝人,不時上佢個網絡節目。
而家參加緊《造星IV》嘅東東就係佢旗下藝人,不時上佢個網絡節目。
其他文章
hd